Әһли Бејт -АБНА- хәбәр аҝентлији- Сон ҝүнләр өлкәдә һәбс олунан диндарларын сајы, гејри-рәсми мәлуматлара ҝөрә, 25-ә чатыб. Һәбсләр әсасән февралын 10-дан башланыб. Сонунҹу һәбс март ајынын әввәлләринә тәсадүф едир. Нисбәтән јүнҝүл ҹинајәт маддәләри (әсасән Ҹинајәт Мәҹәлләсинин 234-ҹү маддәси) илә һәбс едиләнләр һагда иҹтимаијјәтә бир гајда олараг диндарларын вәкилләри мәлумат верир. Лакин Ҹинајәт Мәҹәлләсинин 274-ҹү (дөвләтә хәјанәт) маддәси илә сахланыланлар һагда нә рәсми гурумлар, нә дә сахланыланларын вәкилләри һеч бир информасијаны бөлүшмүр.
Гејри-рәсми мәлумата ҝөрә, индијә гәдәр Нијази Әлөвсәт оғлу Кәримов, Талеһ Әлиһејдәр оғлу Рәсулов вә Раһим Мүсејиб оғлу Гасымов Ҹинајәт Мәҹәлләсинин 274-ҹү маддәси илә иттиһам олунурлар вә Милли Тәһлүкәсизлик Назирлијинин тәҹридханасында сахланылырлар. Онларын дөвләтә хәјанәт маддәси илә иттиһам олундуғуну диндарлар үчүн дөвләт тәрәфиндән тутулмуш вәкилләр (Нијази Кәримовун вәкили Хәдиҹә Ширинова, Талеһ Рәсуловун вәкили Есмиралда Зејналова, Раһимин Гасымовун вәкили Ҹаһанҝир Ҹавадов) билдирибләр.
“Медиа форум” сајтынын әлдә етдији мәлумата ҝөрә, һәмин вәкилләрлә мүгавилә бағланмајыб вә вәкилләр ишдән узаглашыблар.
Һазырда Нијази Кәримовун һүгугларыны вәкил Шәфа Ҹамалова мүдафиә едир. О, јалныз истинтаг битдикдән сонра ачыглама верәҹәјини дејиб.
Нијази Кәримов февралын 17-дә мүалиҹә олундуғу Маштаға руһи-әсәб диспансериндә һәбс едилиб. Талеһ Рәсулов февралын 15-дә, Раһим Гасымов исә февралын 13-дә тутулуб.
Гејри-рәсми мәлумата ҝөрә, Нардаран гәсәбәсинин даһа бир сакини - Нүсрәт Ајдын оғлу Ҹәлилов да Ҹинајәт Мәҹәлләсинин 274-ҹү маддәси илә иттиһам едилир. О да МТН-ин тәҹридханасында сахланылыр. Үч ушаг атасы, Суријада дини тәһсил алан Нүсрәт Ҹәлилов һүгуг-мүһафизә органларына өзү тәслим олуб.
Ҹинајәт Мәҹәлләсинин 228.2.1-ҹи маддәси (ганунсуз олараг одлу силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә - габагҹадан әлбир олан бир груп шәхс тәрәфиндән төрәдилдикдә) илә иттиһам олунан Нардаран гәсәбәсинин сакини Әбүлфәз Зәкијев дә МТН-ин тәҹридханасында сахланылыр. Онун һаггында илкин информасијаны “Медиа форум” сајтына дөвләтин ајырдығы вәкил Рафәт Гурбанов вермишди. Лакин вәкиллә мүгавилә бағланмадығындан о, ишини давам етдирмир.
Феврал ајында һәбс олунан илаһијјатчы Һаҹы Илһам Әлијев дә Ҹинајәт Мәҹәлләсинин 228.1-ҹи маддәси илә (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) иттиһам олунур. Онун һарада сахландығы мәлум дејил. Онун һүгугларыны вәкил Пәрвиз Әләкбәров мүдафиә едир, лакин о да иҹтимаијјәтә ачыглама вермәкдән имтина едир.
“Медиафорум” сајтынын әмәкдашы феврал ајында һәбс олунан диндарларла бағлы дәфәләрлә МТН-ә мүраҹиәт етсә дә, һәр һансы рәсми мәлумат алмаг мүмкүн олмајыб.
Диггәт: Хәбәрдән истифадә етдикдә мәнбәјә истинад лазымдыр
