Әһли Бејт -АБНА- хәбәр аҝентлијинин вердији хәбәрә әсасән вәкил Анар Гасымлынын вердији мәлумата ҝөрә Азәрбајҹан Ислам Партијасынын сәдр мүавини Ариф Гәнијев Салјандакы 5 сајлы, илаһијјатчы Талеһ Бағыров исә Бакынын Рамана гәсәбәсиндәки 16 сајлы ҹәзачәкмә мүәссисәләринә көчүрүлүб.
Ариф Гәнијев 2011 илин август ајында әлијевләр режиминин гүҹ структурлары тәрәфиндән хүсуси зоракылыгла тутулараг мөвҹуд режимин Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә ШӘРЛӘНИБ.
О, әлијевләр режиминин сифариши илә Сумгајыт Шәһәр Мәһкәмәси тәрәфиндән 1 ил 6 ај мүддәтинә азадлыгдан мәһрум олунуб. Ариф Гәнијев биринҹи инстансија мәһкәмәнин гәрарындан апеллјасија шикајәти вермәјиб.
“Һиҹаба азадлыг” аксијасына ҝөрә (өтән ил мајын 6-да Бакыда кечирилиб) тутулан Талеһ Бағырова исә 2011-ҹи ил декабрын 23-дә Нәриманов Рајон Мәһкәмәси режимдән алдығы тапшырыға әсасән 1 ил 6 ај азадлыгдан мәһруметмә ҹәзасы кәсиб. Бакы Апеллјасија Мәһкәмәси биринҹи инстансијанын гәрарыны гүввәдә сахлајыб.
Илаһијјатчы әлијевләр режими тәрәфиндән Ҹинајәт Мәҹәлләсинин 221.2-ҹи (бир груп шәхс тәрәфиндән хулиганлыг) вә 233-ҹү (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри илә ШӘРЛӘНИЛИБ.
Диггәт: Хәбәрдән истифадә етдикдә мәнбәјә истинад лазымдыр
