Әһли Бејт -АБНА- хәбәр аҝентлијинин вердији хәбәрә әсасән Сәудијә Әрәбистаны инсан һаглары тәшкилатларындан бәзиләри Сәудијәдә күтләви һәбсләр вә вәтәндаш һүгугларынын кобуд шәкилдә позулмасына даир бир иллик һесабаты ачыглајыблар.
"Инсан һаглары вә әдаләт" мәркәзинин рәһбәри Садиг әр-Рамазан, 2011-ҹи ил Феврал ајындан 2012-ҹи ил феврал ајына гәдәр, Сәудијәдә 550 нәфәр динҹ етиразчынын һәбс едилдијини билдириб. Бунларында әксәријәтинин Шиә мәзһәбли мүсәлман олдуглары билдирилир.
Һәбсләр исә әксәрән Шиәләрин сых јашадығы Гәтиф шәһәриндә баш вериб. Һәбс олунанларын арасында гадын вә ушагларда вар. Амма һал-һазырда исә 550 нәфәрдән јалныз 170 нәфәри ҹәза чәкмә мүәссисәләриндә ҹәза чәкирләр. Диҝәрләри бир мүддәтдән сонра азад едилибләр. Һәбс едиләнләрә гаршы зоракылыг һалларынын олмасы да бу мәркәз тәрәфиндән гејд едилиб.
Диггәт: Хәбәрдән истифадә етдикдә мәнбәјә истинад лазымдыр
