Әһли Бејт -АБНА- хәбәр аҝентлијинин вердији хәбәрә әсасән Иран ислам Республикасы Мәдәнијјәт Назирлијинин “Мане” вә “Сәләмган” шәһәрләриндәки нүмајәндәлији “Гурани Кәрим”ин ән хырда өлчүдә чап едилмиш нүсхәсинин ачылышыны кечиртди.
Бу барәдә Мәдәнијјәт Назирлијинин “Мане” вә “Сәләмган” шәһәрләриндә јерләшән нүмајәндәлијинин сәдри Исмаил Мүгәддәс информасија шөбәсинә билдирмишдир: “Чап етдирдијимиз “Гурани Кәрим” дүнјанын ән хырда “Гуран”ы һесаб олунур”.
Исмаил Мүгәддәс “Гурани Кәрим”ин ачылышында деди: “Һазыркы Гурани Кәрим 21 х 51 см өлчүдә, 365 сәһифәдән ибарәт дәридән дүзәлдилмиш үзлүк илә 2010 илдә хүсуси дзајнла Ливанын “Дарул Елм” нәшријјатында һазырланмыш вә Мисир дөвләтинә тәһвил верилмишдир. Биз ону Мисирдән алараг Иран ислам Республикасына ҝәтирмишик”.
Исмаил Мүгәддәс даһа сонда билдирди: “Дүнјанын ән хырда јазысы исә дүјү дәнәси үзәринә јазылмыш мүбарәк Товһид Сүрәсидир ки, бу јазыны јалныз микроскоп алтында ҝөрмәк мүмкүндүр”.
Диггәт: Хәбәрдән истифадә етдикдә мәнбәјә истинад лазымдыр
