Әһли Бејт -АБНА- хәбәр аҝентлијинин вердији хәбәрә әсасән мартын 1-дә Губа рајонунда баш верән халг үсјаны вахты гәзәбләнмиш әһали иҹра башчысы Рауф Һәбибовун евини јандырмаздан әввәл ичәри дахил оларкән онун мәнзилинин ҝизли бөлүмүндән ики сејф ашкарланыб. Иҹра башчысынын аиләси өнҹәдән тәдбир алыбмыш; евдә Һәбибовлардан кимсә олмајыб, мәнзил әһәмијјәтли шәкилдә бошалдылыб вә гијмәтли әшјалар башга јерләрә дашыныб.
Лакин Рауф Һәбибовун вилласындакы “тајник”- ҝизли отаг дәрһал ашкарланыб, орада да јалныз ики ағыр сејф галыбмыш. Мәлуматы бизә верән мөтәбәр мәнбә иддиа едир ки, вилладакы ҝизли отағын гыса мүддәтдә мүәјјән едилмәсинин јалныз бир сәбәби вар - ораја басгын едәнләрин ичиндәки хүсуси група бу барәдә габагҹадан мәлумат верилиб: “Буну да јалныз Һәбибовун әтрафындан кимсә едә биләрди. Јахуд да рајондакы хүсуси хидмәт сектору бунун ашкарланмасында мараглы олуб...”
Мәлуматда дејилир ки, мәнзилә дахил оланлардан бир групу сејфләри дәрһал ҝөтүрмәк истәјиб. Амма һәр һешји габагҹадан билән вә өзүнү јетирән полисләр буна имкан вермәјибләр. Виллада олан бир сыра әшјаларын јағмаланмасына шәраит јарадылса да лакин әсас ики сејф полис шөбәсинә апарылыб вә орада ачылыб. Акт әсасында сејфләр ачыларкән истинтагчылар һејрәтамиз мәнзәрә илә гаршылашыблар. Редаксијамыза бу мәлуматы верән мәнбә дејир: “Сејфләрин һәр бириндән 2 милјон манат нағд пул чыхды”.
Рауф Һәбибовун иҹра башчысы ишләдији 5 ил әрзиндә бу гәдәр пул топладығы о гәдәр дә тәәҹҹүблү ҝөрүнмүр. Лакин бу гәдәр пулу Губадан чыхармамасы, ҝизли отагда сахламасы һәр кәси һејрәтләндириб. Мәнбәмиз дејир ки, сабиг иҹра башчысы һадисәләрин бу гәдәр сүрәтлә ҹәрәјан едәҹәјинә вә белә радикал јекунлашаҹағына инанмырмыш: “Диҝәр тәрәфдән, сон вахтлар ону изләјирдиләр. Бу пулларын һамысыны чыхарыб һараја исә дашымаг ҹидди риск тәләб едирди. Лакин 4 милјон манат башчынын бүтүн пуллары дејил. Тәбии ки, онун хилас етдији мәбләғләр дә вар. Һәм дә бу сејфләр елә бир јердә иди ки, һәмин ҝизли отағы мәлуматсыз шәхсин дәрһал тапмасы мүмкүнсүз иди. Ону ичәридән сатмышдылар”.
Хатырладаг ки, Низами рајонунун сабиг иҹра башчысы Меһбалы Әлијевин бағ евиндән истинтагчылар 3 тон гызыл күлчә, башга гијмәтли әшјалар мүсадирә етмишдиләр. Јәни иҹра башчыларынын газанҹы һәтта мәркәзи һакимијјәтин дәмир нәзарәтинә бахмајараг һәр заман дүшүнүлдүјүндән чох олур.
Диггәт: Хәбәрдән истифадә етдикдә мәнбәјә истинад лазымдыр
