Әһли Бејт -АБНА- хәбәр аҝентлијинин вердији хәбәрә әсасән бу ҝүн Абшерон рајон мәһкәмәсиндә журналист Рамин Бајрамовун мәһкәмәси кечириләҹәкди. Лакин журналистин мәһкәмәси тәхирә салыныб. Вәкил Рамил Мәмәдов билдирди ки, мәһкәмә иҹласы шаһидләрин мәһкәмәјә ҝәлмәмәсинә ҝөрә тәхирә салыныб. Нөвбәти мәһкәмә просеси сабаһ саат 16:00-да Абшерон рајон мәһкәмәсиндә кечириләҹәк. Мәһкәмәјә сәдрлији һаким Шәмсәддин Аббасов едәҹәк.
Гејд едәк ки, феврал ајынын 24-дә Исламазери.аз-ын баш редактору Рамин Бајрамовун илк мәһкәмә иҹласы кечирилиб. Мәһкәмә танышлыг характерли олдуғундан гыса кечирилиб. Рамин Бајрамовун мәһкәмәси ачыг кечирилиб.
Хатырладаг ки, Рамин Бајрамов өтән илин август ајында әлијевләр режиминин ҝүҹ структурлары тәрәфиндән зоракылыға мәруз галараг һәбс олунуб. О, јалан иттиһамларла Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә ШӘРЛӘНӘРӘК ҝүнаһландырылыр.
Диггәт: Хәбәрдән истифадә етдикдә мәнбәјә истинад лазымдыр
