Әһли Бејт -АБНА- хәбәр аҝентлијинин вердији хәбәрә әсасән “мүгәддәс” папа XVI Бенедикт март ајында Куба вә Мексикаја сәфәри заманы онунла ејни тәјјарәдә сәфәр едәҹәк журналистләрдән мүсаһибә ҝөтүрмәләри мүгабилиндә 7 мин авро истәјиб.
23-29 март тарихләриндә Куба вә Мексикада христианларла ҝөрүшәҹәк католикләрин руһани лидери илә мүсаһибә үчүн јүксәк мәбләғ тәләб едилмәси илә бағлы јајылан хәбәрләр Ватикан Мәтбуат Хидмәти тәрәфиндән тәсдиг едилиб. Хидмәтин ачыгламасында сөзүҝедән мәбләғин мәсрәфләрин гаршыланмасы үчүн “Алиталиа” ширкәтинә өдәнилмәли олдуғу билдирилиб.
Журналистләр Италија мәтбуатына ачыгламаларында Рома Папасы илә әввәлләр дә сәфәрә чыхаркән пул өдәдикләрини, анҹаг будәфәки мәбләғин рекорд олдуғуну дејибләр. Бәзи мәтбу органлар католик лидерлә сәјаһәтин ҝетдикҹә даһа да баһалашдығындан шикајәтләнибләр.
Диггәт: Хәбәрдән истифадә етдикдә мәнбәјә истинад лазымдыр
