Әһли Бејт -АБНА- хәбәр аҝентлијинин вердији хәбәрә әсасән Ливан “Һизбуллаһ” тәшкилатын Лидери Шејх Һәсән Нәсруллаһ Азәрбајҹандан данышыб. Шејх Һәсән Нәсралла Бејрутдакы чыхышы заманы билдириб ки, тәшкилатын Азәрбајҹанда базасынын олмамасындан тәәсүфләнир.
Бејрутда видеоконфранс васитәсилә тәрәфдарларына мүраҹиәт едән Сејјид Һәсән Нәсруллаһ гәрбин Сурија бөһранындакы ролу һагда данышыб.
О дејиб ки, АБШ вә диҝәр Гәрб өкәләри Суријаја гошун ҝөндәрмәк истәмир, анҹаг мүнагишәни даһа да гызышдырмаг үчүн мүхалифләрә һәрби јардым тәклиф едир. Онун фикринҹә, бәзиләри Суријадакы бөһранын сона чатмасы үчүн сијаси јоллары әнҝәлләјир.
Ливан “Һизбуллаһ” тәшкилатын Лидери әһалисинин әксәријјәти шиәләр олан Бәһрејндә дә залым һакимијјәт әлејһинә етиразларын ҝенишләндијини дејиб, анҹаг о әлавә едиб ки, истәнилән һалда бу бөһран да сијаси јолла һәлл едилмәлидир.
Даһа сонра Сејјид Һәсән Нәсруллаһ АБШ хүсуси хидмәт органларынын “Һизбуллаһ”ын Африка өлкәләриндән тутмуш Азәрбајҹана гәдәр дүнјанын ән мүхтәлиф јерләриндә базаларынын олдуғу барәдә иддиаларына мүнасибәт билдириб: “Америкалылар дејирләр ки, ”Һизбуллаһ"ын Африкада вә Азәрбајҹанда да базалары вар. Мән тәәсүфләнирәм ки, бу доғру дејил".
Гејд едәк ки, “Һизбуллаһ”ын Азәрбајҹанда базаларынын олмасы барәдә бир ҝүн әввәл бөјүк шејтан адланан АБШ хүсуси хидмәт органларынын рәсмиләри билдирибләр. Федерал Тәһгигатлар Бүросунун рәсмиләри дејибләр ки, ҝүја Иран “Һизбуллаһ” васитәсилә АБШ-да террор вә суи-гәсдләр һәјата кечирә биләр. Һәмчинин Исраилин БМТ-дәки сәфири Рон Просор Тәһлүкәсизлик Шурасында чыхышы заманы “Һизбуллаһ”ын Гәрби Африка өлкәләриндә “сијаси дәстәјә” малик олдуғуну, бу бөлҝәдән Исраилә гаршы террор һүҹумлары һазырламаг үчүн истифадә етдијини дејиб.
Хатырладаг ки, һәгигәтисә һәмишә олдуғу кими әксинәдир. Мәзлум сионистләр дејил мәһз Ислам вә онун һакимијјәтини горујанлардыр.
Диггәтинизә чатдырмаг истәрдик ки, мәһз ишғалчы ираил ҹасуслары тәрәфиндән сон ики илдә Иран Ислам Республикасынын нүвә алимләри террор едилиб. Вә јахаланмыш террорчулар Бакыда террор тәлиматларынын алмаларына да етираф етмишләр.
Фактла бағлы Ислам Республикасы рәсми Бакыдан ачыглама тәләб едир.
Диггәт: Хәбәрдән истифадә етдикдә мәнбәјә истинад лазымдыр
