Әһли Бејт -АБНА- хәбәр аҝентлијинин вердији хәбәрә әсасән бу ҝүн 26 феврал дүнја мүсәлманларынын ағрылы ҝүнләриндән биридир. Хоҹалы Сојгырымы Хачпәрәстләрин Ислам Дүнјасына гаршы јөнәлмиш нөвбәти јүрүшүнүн аҹы нәтиҹәсидир. Бу ағрылы ҝүнү һәр бир мүсәлман кими өлкәмизин мүгәддаратыны һәлл етмәкдә чалышан Руһаниләримиз дә Мүгәддәс Гум шәһәриндә мөһтәшәм сүрәтдә јад етдиләр. Белә ки, Мүгәддәс Гумда Ҹамеәтул Мустәфа (сәлләллаһу әлејһи вә алиһ) әл-Аләмијјә адына дини академијанын Азәрбајҹанлы тәләбәләри тәрәфиндән Имам Хомејни (Аллаһын Рәһмәт олсун) университетин “Шәһид Сәдр” адына акз залында “Хоҹалы Сојгырымы” адлы конфранс кечирилди.
Мүхбиримизин вердији мәлумата ҝөрә, конфранс саат 15:00 Гурани Кәримин “Али Имран” сүрәсинин 169-ҹу ајәсинин тилавәти илә башланды. Илк өнҹә трибунаја Ҝүрҹүстан азәрбајҹанлыларындан дәвәт алан тәләбә Азәрбајҹанын тарихи, ҹоғрафоијасы, иҹтимаијјәти вә милләтинин әксәријјәтинин һансы динә вә мәзһәбә гуллуг етмәси бардә еләҹә дә Хоҹалы Сојгырымынын тарихҹәси һаггда гыса изаһат верди.
Даһа сонра мәҹлисин апарыҹысы миләтимизин белә бир аҹынаҹағлы вәзијјәтдә јашадығына ишарә едәрәк, өлкә рәсмиләринин бу дурмда теле-радиоларда Гарабағдан даһа чох мүхтәлиф ејш-ишрәт мәҹлисләринә ҝениш јер вермәсини хүсуси илә бәднам “Евровисион” 2012-нин һәјата кечирилмәсини һеч бир мәнтигә сыхмадығыны билдирди.
- Конфрансда икинҹи чыхыш Ҝөранбој сакини Руһани Надир Әлијевә верилди. Руһани Хаҹалы Сојгырым фаҹиәсинин ҹанлы шаһидләри олан забит вә әскәрләрин дедијиндән (ки, әлијевләр режиминин күтләви информасија вастәләриндә белә бу һагда данышылмајыб) ситатлар ҝәтирәрәк, торпагларымызы мәһз чиркли пула сатылмасына ишарә етди.
Руһани Надир Әлијев билдирди ки, бу фаҹиәнин көкү 1988-ҹи илдә дејил, мәһз 1905 вә ондан да гат-гат габагкы илләрә гајыдыр.
Даһа сонра о билдирди ки, ермәниләрин төрәтдикләри вәһшиликләр тәкҹә Хоҹалыда дејил, Гарабағда еләҹәдә Гарабағ әтрафјаны рајонларда да белә вәһшиликләр төрәдилмишдир.
Руһани сөзүнүн давамында Азәрбајҹанын гејрәтли балалрынын дөјүшләриндән нүмунәләр ҝәтирәрәк билдирди ки, дөјүшчүләримиз Бакыдан алан мәнфур атәшкәс әмринә табе оламајараг тәҹавүзкар дүшмән ордусуна ағыр зәрбәләр ендирмишләр. Вә ермәниләр Азәрбајҹанын вердији итки мүгабилиндә гат-гат чох итки вермишдир.
Сонда Руһани Надир Әлијев гејд етди ки, ермәни вандалларынын Азәрбајҹан торпагларында төрәтдикләри вәһшиликләрдән 20 илләр боју данышмағымыз кимдәсә белә тәсәввүр јаратмасын ки, Биз аҹизик вә “Демәли Ермәниләр Јенилмәздир!”. Белә бир сијасәтин апарылмасы јалныз вә јалныз ермәниләрә хидмәт етмәкдир.
- Сонра чыхыш үчүн сөз Тәртәр рајон сакини Руһани Елсәвәр Әлијев верилди. Руһани Елсәвәр Әлијев дә ермәниләрин Хоҹалыда төрәтдикләри вәһшиликләрдән данышараг, дүнја христиан өлкәләринин ермәнистана мадди вә мәнәви јардымлар етмәсинә ишарә едәрәк бүтүн бунлары писләди.
Руһани чыхышынын давамында билдирди ки, өлкәмизин ағыр бир шәраит дөврүндә јашадығы һалда, 20% торпагларымызын ермәни ишғалы алтында олдуғу бир дурумда һөкүмәт һансы мәнтиглә өлкәнин пак инсанлрыны, Гуран мүәллимләрини, гејрәтли диндарларыны үзәриләриндә наркотик маддәләрин сахламасы вә.с. илә шәрләјәрәк зинданлара мәһкум едир!? Бу абсуртдан башга бир шеј дејил- дејә Руһани дуа илә чыхышына хитам верди.
Даһа сонра мәҹлисдә Гарабағ Фаҹиәсинә аид ики шеир охунду. Вә Хоҹалы Сојгырымы һаггда һазырланмыш сәнәдли филим бир нечә дәгигә нүмајиш етдирилди.
- Сонда чыхыш Гарабағ Ветераны Һөҹҹәтүл Ислам Руһани Фаиг Вәлијевә верилди. О, чыхышында билдирди: Мән чыхышымы Хоҹалы һадисәләринин тарихи бахымындан дејил, бәлкә дә Гарбағымызын индијә кимин ҝери ала билмәмәдијимиз амилләрдән данышмаг истәрдим.
Һөҹҹәтүл Ислам Фаиг Вәлијев билдирди ки, Гарабағын ҝери ала билинмәмәсинин сәбәби индики һакимијјәтдир. О, Исламчыларын Лидери Доктор Мөвсүм Сәмәдовун тарихи чыхышына диггәт јетирәрәк билдирди ки, биз Мөвсүм Сәмәдовун дедикләринин һаммысынын бир бә бир зәнҹирвари һәјата кечмәсинин шаһидијик.
Фаиг Вәлијев чыхышынын давамында деди: Биз Мүһарибә шәраитиндә јашајырыг! Торпагларымызын 20%-и ишғал олунуб! Һеч бир заман ҝөрсәнмәјиб ки, ганла алынан торпаг сүлһ јолу илә ҝери гајтарылсын!
Һөҹҹәтүл Ислам Фаиг Вәлизадә сөзүнүн давамында билдирдиди: әлијевлә режими Гарабағы һакимијјәтдә әбәди галмагларындан өтрү дүшмәнләрә пешкеш верди. Торпаглар сатылды вә 1994-ҹү илдә ермәниләрлә “Атәшкәс” мүгавиләси бағланды. Бир үч ил һакимијјәт халгы алдадараг орду үчүн силаһ-сүрсат алмағыны елан етди. Нөвбәт үч-дөрд илинидә Азәрбајҹанын зәнҝин јералты вә јер үстү јатаглара малик олдуғуну дејәрәк, “Гој Авропалылар өлкәмизә ҝәлиб бу јатаглары истихраҹ етсинләр ондан сонра Гарабағы савашсыз алыб бизә тәһвил верәрләр” деди.
Һөҹҹәтүл Ислам Фаиг Вәлијев чыхышынын давамында ермәниләрин Хоҹалыдада төрәтдикләри вәһшиликләрин гысаҹа ишарә едәрәк деди: Мәнфур ермәни шаири Зори Балајан Хоҹалы Һадисәсинә даир јаздығы “Руһумузун Дирчәлиши” китабында сәһ. 260-да јазыр: “Биз Хачатурла әлә кечиртдијимиз бир евә дахил олдуг. 13 јашл бир түрк гыз ушағы пәнҹәрәјә мисмарланмышдыр. Ушаг сәс-күј салмасын дејә Хачатур пәнҹәрә кәнарында јерә сәрилмиш ананын кәсилмиш синәсини гызҹығазын ағзына сохду. Вә сонра онун башынын вә бәдәнинин дәрисини сојмаға башлады. Саата бахдым дүз једди дәгигәдән сонра гызҹығаз ҹаныны тапшырды. Бу һадисәни ҝөрдүкдә “МӘН ГҮРУР ҺИССИ ДУЈДУМ!”.
Сонда Руһани бир нечә тәклиф ирәли сүрәрәк билдирди: “Тарихән Руһаниләр халгын ағыр ҝүнләриндә өндә олуб вә өз синәләрини ирәли вермишләр. Бу ҝүндә беләдир. Биз Азәрбајҹан халгы 12 шәһәримизи Гарабағ мүһарибәсиндә итирмишик. Мај ајы бизим ән ағыр ајларымыздан биридир. Бу ајда биз ики рајонумузу әлдән вермишик. Мајын 8-и Шуша әлдән ҝедиб. Мајын 17-и исә Лачынымыз әлдән чыхыб. Инди бахын еј милләт! Бу ил мај ајында ики рајонумузун ермәниләрә верилмәсинин 20 иллијини бајрам олараг тәнтәнәли сүрәтдә әлијевләр “Евровсион” 2012-ни кечиртмәклә һомосексуаллары Бакыја ҝәтиздирәҹәкдир!!!
Үмуијјәтлә мәним һадисәләрлә бағлы үч тәклифим вар.
1- Руһаниәрдән Ибарәт “Торпагларымызын Мүгәддәс Мүдафиә Комитәси”н јаратмаг
2- “Азәрбајҹан Руһаниләринин Һүгугларынын Мүдафиә Комитәси”н јаратмаг
3- Бүтүн вәтәнпәрвәрләрин Гарабағы азад етмәкдән өтрү силаһланмасын тәклиф едирәм.
Сонда Мәҹлис Гарабағ вә хоҹалы Сојгырымында шәһид оланларын руһларына Фатиһә охунмагла баша чатды.
Диггәт: Хәбәрдән истифадә етдикдә мәнбәјә истинад лазымдыр
