Һәзрәт Әлинин (ә) зәрбәтләнәндән сонра ики ҝүн әрзиндә јатагда мәләкәл моуту ҝөзләјәркән өвладларына (вә еләҹә дә бизә) етдији өјүд, нәсиһәт-вәсијјәти “Мөвланә өјүдү” әсәриндә ашағыда гејд едәҹәјим 3-4 ҹүмләдән ибарәт олсада һәр бир дүшүнән инсанын һәјатыны, јашајыш төһрүнү тәшкил едир: “Бисмиллаһир-Рәһманир-Рәһим, сизә Аллаһ гаршысында тәгвалы олмағы тапшырырам. Дүнја сизин ардынызҹа гачсада, онун ардынҹа ҝетмәјин. Дүнјаја аид бир шеј сизләрдән алынҹа гәмләнмәјин. Һәгигәти сөјләјин ( Ахирәтә аид) мүкафат үчүн сәј ҝөстәрин. Ситәмкара дүшмән, ситәмә дүчар олмуша јардымчы олун.”
Шиә вә сүнни мәзһәбләринин мөтәбәр мәнбәләринә әсасән һәзрәт Пејғәмбәр (с) Әли ибн Әбу Талыб әмирәлмөминин (ә) бүтүн инсанлыг фәзиләтләринин о ҹүмләдән тәгва, әдаләт, зөһд, шүҹаәт, ишар, кәрамәт, азадлыг сәҹијјәләринин нүмунәси барәсиндә бујуруб: “ Әли һәгигәтләдир, һәгигәт Әли илә, Әли һарададырса һагг да орададыр.” ( Биһарүл-әнвар ҹ.38 с29, “Сәһиһи-термизи” ҹ.5 с.633, “Мустәдрәки-һаким Нишапури” ҹ.3 һәд.124
“Бағышлајан вә рәһм едән Аллаһын ады илә”!
Сон заманлар мухалиф ( азад јазарлар кими оху) гәзет сәһифәләриндә шиә Алимләри илә диндарларына гаршы јөнәлән бөһтан вә ифтира долу јазылар, Иран Ислам Республикасына јөнәли тәхрибати мәгаләләр вә јазарлары вә еләҹә дә Гәрбин тапшырыгларыны ҹанла башла јеринә јетирән Гәнимәт Заид, Шаһвәләд Чобаноғлу, Мирзә Хәзәр вә һәмчинин Гәрблә игтидара “һава вә су кими” ( бәјаната) лазым олан бәјаната имза атан 54ләр вә диҝәр күнҹ јазарларына ҹаваблар верилсә дә бу сајаг сајыгламалара бир нечә ибрәтамиз вә факт олајларла ҹаваб вермәји өзүмә борҹ билдим. Кимләрсә бу јазыны ҝеҹикмиш һесаб едә биләрләр. Лакин тохундуғум мәсәлә һәмишә актуал олдуғуну билмәјән олмадығы үчүн, бир дә һазырда олдуғум мәкан вә заманы да нәзәрә алыб мәсәләләрә мүнасибәтими ҝеҹикмиш сајмамалысыныз.
М.Ф.Ахундов сон заманлар, јәни Рафиг Тағы “өлдүрүләндән” сонра бәзи јазарларын, еләҹә дә гәзет редактору Гәнимәт Заһидин кечмишдә күфр јијәләринә ҝеҹикмиш гаһмарлығы гәзет сәһифәләриндә диҝәр бу сајаг јазарларын ҹызма гараларында јер алмададыр. Мирзә Фәтәли әҝәр о дөврүн Аллаһшүкүрләринә, Сәди(Гәни) Ахундов вә бу сајаг мүнафиг молланүмәләрә М.Ә.Сабир кими тәпинсә иди һеч дә үч ҝүн гијмәтсиз бир әшја вә ја һансыса гүрбсүз һејван леши кими Тифлисин мејданларындан бириндә атылмыш вәзијјәтдә галмаз иди. Еј јазарлар нијә сәләфләринизин (гәрбә алдананлар нәзәрдә тутулур) сәһфләрини тәкрар етмәдәсиниз? Сиз дә, онларын дурумуна мүбтәла олмаг ешгинә дүшмүсүнүз ки, јүз ил бундан сонра варисләриниз тарихи сәһфләринизи јаддашлара ҝәтирмәк үчүн “ҹанфәшанлыг” етсинләр ки, инди сиз неҹә грант үчүн, дүнја малына ҝөрә гәрб һимајәдарларыныза, гәрб дүнјасынын мүҹәссимләринә “дүнјәвилик” азарына тутулмуш “шејтан” башчыларына јалтагланмағы мирас гојурсунуз.
Мирзә Әләкбәр о дөврүн “молла”нүмәләрини вә бу ҝүн дә өзүнә мүсәлман дејибән, мүсәлман Азәрбајҹан әһалисинин башында турп әкән асајиш кешикчиләрини, һагг сөјләјибән һакимијјәти тәһдид едәнләри шәрләјиб һәбсханалара долдуран дөвләт иттиһамчылары вә һакимләрини, халгын дири вә өлүсүнү индики хәләфләри кими сојуб һәм дә мөвһумата сүрүкләјәнләри ҝөрүб, Һидајәт Оруҹовлары, Аллаһшүкүрләри, Мисир Мәрдановлары, Рамиз Меһдијевләри вә ән үмдәси өлкәјә башчылыг едәни нәзәрдә тутараг;-“Ҹин ҝөрүрәм шејтан ҝөрүрәм горхмурам, һарда мүсәлман ҝөрүрәм горхурам” сөјләмишсә, сизә нә олуб ки, Аллаһ-тәаланын әмр вә нәһјинин ислами идеалоҝија илә бизә чатдырылмасына гысганҹлыг едәрәк Аллаһын нуруну сөндүрмәјә ҹәһд етмәдәсиз. Буна, чохлу Аллаһлыг иддиасы едән Аллаһсыз Фиронлар, Рамзесләр, гәбилә вә гөвм башчылары, Ад, Сәмуд, Лут гөвми Муса вә Иса (ә.с)-ын јәһуди гөвмләри Аллаһа шәрик гошанлары, Нуһ гөвми вә Масон, ҹапиталист ҹәмијјәт истисмарчылары, сон 70 илдә коммунист атеистләр дә ҹәһд ҝөстәрмиш, лакин чох биабырчы дурума дүшмүш, һәтта јер үзүндән билмәррә силинмишләр.
Галды Рафиг Тағыја о сизин долајысы илә легитимлијини һифз етдијиниз игтидар тәрәфиндән ҹәзаланмыш вә сонрадан әфв олунур (гәрбин һимајә вә хејир дуасы илә). Билдијимә ҝөрә, өзүдә сәһфини етираф едиб вә төвбә дедији сөјләнилир. Лакин игтидар һимајәсиндә “мүәммалы” вәзијјәтдә бычагланыр (чохлу камера гурашдырылмыш мәканда) сонра исә сағалмаг әрәфәсиндә сирли сурәтдә “гәтлә” јетирилир. Бу вәзијјәтдә елә дә бөјүк ажыотаж јаратмаг гәрбә бу сајаг “гујруг буламаға” еһтијаҹ јохдур. Сизләр МТН-ин хүсуси хидмәт органлары илә дејил, нөкәрчилик етдијиниз Гәрб, Америка вә мәхсусән Массон, сионизмлә иш бирлијинә ҝириб онлар тәрәфиндән вә ја игтидар тәрәфиндән гәтлә јетириләҹәксинизсә, он да мүкафаты ( шиә алимләринин мүәјјән етдији мәбләғи) ким алаҹаг? Бу мүкафаты алан исә һөкән дүнјаја јајылыб ады һалланаҹаг ки, он да ганынызын гијмәти бир гәпиклик дә олмајаҹаг. Лакин нә Гәрб нә дә игтидар Рафиг Тағынын гәтлинин ачылмасында мараглы дејил, чүнки бу ишдә шәрик олмагла бир ҝүлләјә ики довшан вурмаг истәмишләр ки, бириси һәдәфә дәјмәјиб, сизләрдән јарарланырлар ки, ҝүлләни һәдәфә тәрәф чәкә билсинләр, ән азындан.
Мәним сизә мәсләһәтим будур ки, Аллаһ дининә Ислама, өзү дә шиәлијә гара јахмалары сахлајын. Биринҹи она ҝөрә ки, мәним кими Аллаһ дининин шүурлу тәригә мәзһәб ајрысечкиликләриндән узаг тәәссүбкешләри “Аллаһ дәстәси” өлкәмиздә минләрләдир ки, мәнтиг вә дәлилләрлә гаршынызда ҝөрәҹәксиниз, икинҹиси исә игтидар “киллерләри” тәрәфиндән “зәрәрсизләшдириләрәк” мүкафаты дин алимләриндән дејил, игтидар сифаришчиләриндән алаҹаглар ки, ганыныз да гејриләри кими батаҹаг. Лакин бир амал, мәгсәд уғрунда мүбаризә сизи террор едәнләрин ифшасына зәманәт ола биләр вә һәм дә Елмар Һүсејнов кими гәлбләрдә јашамагла әбәди өлмәзлик газанылаҹагдыр.
Бурда јеринә дүшәр дејә сиз кимиләрин динимизә, дини тәәссүбкешләр олмуш карифеј шаир вә алимләрә сәркәрдә вә руһанијјәјә олан өҝеј вә мән дејәрдим ки, дүшмән мүнасибәтинизә тохунмаг истәрдим. Кечмиш һадисәләр тарихимиз ҹидди сурәтдә тәһриф олунуб, сифаришчи “тарих”нүмаләр јазарлар тәрәфиндән. Бунлара мисал олараг Низамини,Физулини, Нәсимини, Хәтаини, Шәһријары, Сабири, Тусини вә диҝәрләрини еләҹә дә “Дәдә Горгуд” “Гачаг Нәби” “Короғлу” дастаны вә дөврүн һадисәләри, Бабәк, Ҹаваншир, Шаһ Аббас, Ҹавад хан вә диҝәр шаһ вә сәркәрдәләр барәсиндә чохлу јанлышлыг, Совет атеист тәблиғатына мүвафиг исламын тәһрифи сизләр вә бизләрин мүталиә етдији әсәр вә тарихи мәлуматларда, театр киноларда чох да узаг олмајан тарихи јаддашлара һәкк олунса да ҝөзләмәк оларды ки, мүстәгил мүсәлман Азәрбајҹанымызда бу тәһрифләр сәһф, тарихи јаланы ҝерчәклик кими халга сырыјан китаб вә кино тамашалар һәгигәти олан кими ахыр ки, халга чатдырылаҹагдыр. Лакин бу 20 илдә нә ки, һәгигәт ортаја гојулду, тәһриф олунмуш тарих мүстәгил Азәрбајҹан халгына јенидән елә атеист тәблиғаты илә “једирдил”мәдәдир.
Биринҹиси нә Низами нә Физули нә дә диҝәрләри һансыса ханым вә ја гадына вурғунлугларыны, ешг маҹәраларында ҝөстәрмәјибләр. Бу ешг ашиг мәшуг Аллаһла олан ешгдир. Бу Низами вә Физулишүнасларын әсәрләриндә вә арашдырмаларында аз да олса ашкарланса да, тарихи мәнбәләрин атеист тәблиғатындан узаг, орижиналдан ахтарылыб халга чатдырылмасы нәдәнсә сиз јазарлары дүшүндүрмүр.
Шаһ Исмајыл Хәтаи узун әсрләр дүнјада ислами өлкә кими танынан Иран һәдләрини, Бағдаддан Дәрбәндә, Турандан ( орта Аија) Анадолуја ( Гәрби Иран-Түркијә) кими бәргәрар едиб гүдрәтли тарихи Иран дөвләтини бәрпа едәрәк, шаһлыг вә ја ајры-ајры ханлыгларын мөвҹудатына сон гојмаға чалышмыш, бунун үчүн елмлә вә шаирликлә мәшгул олан ислам алимләрини шаһ сарајына дәвәт едәрәк буна нисбәтән наил олсада, сонрадан гардаш савашы һәр ики өлкәни зәифләтмишдир ки, ҝәләҹәкдә шимали Иран торпаглары бүтөв ирандан гопарылараг Ҝүрҹүстан, Ермәнистан вә еләҹә дә Русијада галан әразиләрин јадырғанмасы сијасәти, Рус империалистләринин “парчала һөкм сүр” сијасәтини гулаг ардына вурмаг кимләрин дәјирманына су төкмәјә һесабланыб. Атеист коммунистләрдә сәләфләринин иртиҹачы, истилачы сијасәтләрини давам етдирәрәк;-Шаһ Исмајыл Хәтаи бүтүн Азәрбајҹан торпағы уғрунда вурушуб дејими илә Шаһ Исмајылы ҹырлашдырыб, тарихи торпагларын бирләшдирилмәсинә манеә јарада биләҹәк аздырма, јалан, ифтира, гондарма “Тарих” јазанлара мүәјјән фәхри адлар вермәклә башымыза һазыркы “Гарабағ” ҝерчәклијини дә ҝәтирдиләр. Ирәван, Ҝөјчә, Зәнҝәзур ермәниләрдә тарихи Ҝүрҹүстан торпаглары азмыш, үстәлик Туманиси Марнуели, борчалы дијары, ҝүрҹү адлары илә дәјишдирилмиш әразиләр, Дәрбәнд исә Дағыстана верилмәклә Русија әразисинә дахил едилир. Әҝәр һәгигәтән дә империалистләр, Ҝүлүстан вә Түркмәнчај мүгавиләләрини Азәрбајҹан дејилән дөвләтлә ( һансы ки, о дөврләрдә нә ки, Азәрбајҹан дөвләти һеч Азәрбајҹан адында бир вилајәт белә олмајыб) бағламышдыларса, он да нијә инди һәмин Азәрбајҹан дејилән дөвләт кечмиш әразиләринин бирләшдирилмәсини БМТ гаршысында галдырмајырыг. Буна с
