Әһли Бејт -АБНА- хәбәр аҝентлијинин вердији хәбәрә әсасән чәршәнбә ахшамы анти-Иран дөвләт телевизија каналы олан АЗТВ габагҹадан һазырланмыш сенари әсасында вә Иранын нүвә алиминин террорунда Азәрбајҹан Республикасы МТН-нин әли олмасында үмуми фикри јајындырмаг мәгсәдилә, МТН-ә әсасланараг, Азәрбајҹанда Иранын хүсуси хидмәт органлары илә әлагәли шәхсләрин һәбс едилдијини хәбәр верди.
Хәбәрдә һәбс олунанларын өлкәдәки хариҹи вәтәндашлара гаршы террор нијјәтләри олдуғу дејилир.
Сионист даирәләрә бағлы олан АЗТВ дөвләт телевизија каналы бу барәдә артыг изаһ вермәди.
Бу барәдә Нардаран Ағсаггаллар Шурасынын үзвү Кәрбәлаји Натиг Кәримов "Бирлик"-ә мүсаһибәсиндә деди: "Милли Тәһлүкәсизлик Назирлији вә дахили ишләр органлары тәрәфиндән һәјата кечирилән әмәлијјат тәдбирләри нәтиҹәсиндә тутуланларын әксәријјәти Бакы кәндләринин, хүсусилә дә Нардаран сакинләридир. Онлар өлкәдә силаһлы бирләшмә јаратма, ганунсуз силаһ сахлама, дөвләтә хәјанәт вә наркотикләрин ганунсуз дөвријјәсиндә тәгсирли билинирләр".
Бу елә бир һалдадыр ки, бир мүддәт өнҹә өлкәмизин нүвә алимләриндән бирини террор етмиш Моссад муздуру етираф етди ки, Тәл-Әвивә ҝетмәк үчүн Бакы Һејдәр Әлијев Һава Лиманында Азәрбајҹан дөвләтинин һәмкарлығы илә она сахта сәнәдлә хүсуси аеропорт гурғулары верилмишдир.
Һәмчинин, өтән ҝүн Иран мәтбуаты Исраил режиминин Моссад террорчу-тәхрибатчы тәшкилатынын муздуру Азәрбајҹан вәтәндашы Ҹавидан адлы бир јәһуди шәхсин Азәрбајҹан Республикасы әразиси васитәсилә Иранын нүвә алимләрини террор етмәсини ифша етди.
Тәһлүкәсизлик мәнбәләринә әсасән, Иран Ислам Республикасынын ихтијарында сәнәдләр вардыр ки, бу сәнәдләрә әсасән, Азәрбајҹан Республикасы Моссад вә ҸИА амилләринә јардымлар етмишдир вә бу да өлкәмизин нүвә алимләринин, әсасән дә шәһид Әһмәди Рөвшәнин бу тәшкилатларын амилләри тәрәфиндән террор едилмәсинә сәбәб олмушдур.
Бир нечә ҝүн бундан өнҹә дә шәһид Мустафа Әһмәди Рөвшәнин террор едилмәсинин вә террорда әли оланларын бәзиләринин Азәрбајҹан Республикасына кечмәсинин, һәмчинин Азәрбајҹан Республикасынын дөвләт органларынын сионист режимин кәшфијјат тәшкилатлары илә әмәкдашлығынын ифша олунмасынын ардынҹа бу өлкә сәфири Хариҹи Ишләр Назирлијинә чағырылды вә Иранын етиразы она чатдырылды.
Диггәт: Хәбәрдән истифадә етдикдә мәнбәјә истинад лазымдыр
