Әһли Бејт -АБНА- хәбәр аҝентлијинин вердији хәбәрә әсасән мәркәзи гәрарҝаһы АБШ-ын Чикаго шәһәриндә јерләшән “АОН” гејри-һөкумәт тәшкилаты 2012-ҹи ил үчүн дүнја өлкәләриндә сијаси рисг индексини ачыглајыб. Тәшкилатын анализләринә ҝөрә, өтән иллә мүгајисәдә 2012-ҹи илдә үч өлкәдә сијаси рисг ашағы ениб. Бунлар Украјна, Молдова вә Уругвајдыр.
“АОН”дан јајылан ачыглмада билдирилир ки, әрәб өлкәләрини бүрүјән етираз далғасы бәзи өлкәләрдә сијаси рисг еһтималыны артырыб.
Тәшкилатын индексинә ҝөрә, 21 өлкәдә сијаси рисгин артмасы өтән иллә мүгајисәдә даһа чохдур. Азәрбајҹан да бу ил сијаси рисгләрин артаҹағы өлкәләр сыјаһысындадыр. Өлкәмизлә ејни ҹәрҝәјә Бәһрејн, Колумбија, Хорватија, Мисир, Фолклен адалары, Габон, Гватмела, Гвинеја-Бисау, Ливија, Мәракеш, Оман, Пакистан, Свазиленд, Сурија, Тајланд, Уганда, Вјетнам вә Гәрби Сахара дахил едилиб.
Диггәт: Хәбәрдән истифадә етдикдә мәнбәјә истинад лазымдыр
