Әһли Бејт -АБНА- хәбәр аҝентлијинин вердији хәбәрә әсасән “Канал-13” интернет телевизијасында өлкәдәки сосиал вәзијјәт мүзакирә олунуб. Мүзакирәләрдә иштирак едән гонаглар чыхыш едәрәк, өлкәдә јашанан просесләрә мүнасибәтләрини ачыглајыблар.
Верилишин гонагларындан биридә Азәрбајҹан Тибб Университетинин досенти, әмәкдар мүәллим Рәшид Маһмудов олуб.
Әмәкдар мүәллим Рәшид Маһмудов, өлкәдәки сосиал проблемләрин сәбәбини халгын дини тәһсил сәвијјәсинин чох ашағы олмасында ҝөрүб: “Мән өз дөвләтимлә фәхр едирәм, лакин бу дөвләтдә баш верән һадисәләрдән чох наразыјам. Һәр бир халгын дүшүнән бејни онун зијалысыдыр. Бу зијалылар халга доғру јол ҝөстәрмәлидир. Лакин јалан баш алыб ҝедәндә инсан чох әсәбләшир. Өлкәмиздәки зијалылар һеч бир шејә гарышмаг истәмирләр,горхурлар. Бу горху да милләтимиздә Совет дөврүндән галмадыр. Совет гурулушу системи илк нөвбәдә динимизи әлимиздән алырды. Инсанларда горху јарадырды. Лакин инди биз мүстәгилик вә дүшүнүрәм ки,бу горху милләтимиздә галмамалыдыр. Инсанларымыз ајыг олмалыдыр. Биз динә мараг ҝөстәрмәлијик. Мән халгымызын ишыглы ҝәләҹәјини, ниҹат јолуну јалныз динимиздә ҝөрүрәм”.
Р.Маһмудов әлавә едиб ки, халгымыз јахшы јашамаға лајигдир: “Дүшүнүрәм ки, Азәрбајҹанда сосиал әдаләтсизлик вар. Мәсәлән, ејни досент фәргли тәгаүд алыр, бу чох ҝүлүнҹдүр. Ҝүндәлик еһтијаҹларымыз өдәнмир. Үмумијјәтлә тәгаүд саһәсиндә чох ҹидди проблемләр, һагсызлыглар вар. Инсанлары категоријалара бөлмәк дүзҝүн дејил. Дүнјада капитализм гурулушу дүзҝүн дејил. Телеканалларымызда да проблемләр чохдур. Халгын маарифләндирилмәси саһәсиндә дә ҹидди нөгсанлар вар. Бәзи верлишләр милләтимизә ләкәдир. Онлары ефирдән јығышдырмаг лазымдыр ки, халгымызын тәрбијәсинә мәнфи тәсир ҝөстәрмәсин.Телеканалларымызын бәзиләри халгымызын әлејһинә фәалијјәт ҝөстәрир”.
Диггәт: Хәбәрдән истифадә етдикдә мәнбәјә истинад лазымдыр
