Әһли Бејт -АБНА- хәбәр аҝентлијинин вердији хәбәрә әсасән Пакистан һәрбчиләринин Пешавәр бөлҝәсиндә “Әл-Гаидә” тәшкилатынын јараглыларына гаршы кечирдикләри әмәлијјат заманы 1-и азәрбајҹанлы олмагла 6 нәфәр өлдүрүлүб. Бу барәдә “Куррам” аҝентлији мәлумат јајыб.
Аҝентлик өлдүрүлмүш азәрбајҹанлынын үзәриндәки сәнәдин фотосуну да јајынлајыб. Сәнәддән бәлли олуб ки, Пакистан һәрбчиләри тәрәфиндән өлдүрүлмүш “Әл Гаидә” силаһлысы Азәрбајҹан вәтәндашы, Сумгајыт шәһәр сакини Заур Аслановдур.
Сәнәддән ҝөрүндүјү гәдәр 1981-ҹи ил сентјабр ајынын 25-дә Сумгајытда доғулмуш З.Аслановун силаһлы групун апарыҹы командирләриндән олдуғу билдирилиб.
Гејд едәк ки, бу артыг вәһһаби јараглысынын үчүнҹүсүдүр ки, онун өлүмү бизә бәллидир. Ишин әсил мәнасында әлијевләрин һансы мигдарда хам азәрбајҹанлы өвладларыны белә јерләрдә тәлим ҝөрмәкдән өтрү ҝөндәрмәси һәлә ки, медијачылара мәлум дејилдир.
Охшар хәбәрләр:
“Талибан”ын азәрбајҹанлы дөјүшчүсүнүн досјеси ачыгланыб.
Азәрбајҹанлы ТАЛИБАН Пакистанда өлдүрүлүб
Диггәт: Хәбәрдән истифадә етдикдә мәнбәјә истинад лазымдыр
