Гејрәтли вә Гадир Аллаһын ады илә!
Илләр боју мүсәлман өлкәмизә гаршы хәјанәтләр сырасына бир хәјанәт дә әлавә олунду. “Еуровисион вә ҝејләр” гурупунун мүсәлман өлкәмиздәки ојунбазлыглары. Јәни бу мүсәлман халгын Исламына, мүгәддәс Гуранына вә мәнәвијјатына ән бөјүк бир зәрбә вурмаг. Тарихдә ән алчаг вә ән чиркин инсансифәт, һејванлардан да ашағы сәвијјәли, һамынын нифрәт етдији бир топлуму ҝөзәл мүсәлман дијарымызын мәркәзи олан Бакыда ҹәм етмәк вә ја “ҝејләрин парад”ыны тәшкил етмәк! Ҝөрәсән, мүсәлман өлкәмизи бу һала саланлар кимләрдир?
Әзиз мүсәлман халгымыз! Бу һагда нә вахт фикирләшәҹәксиниз?! Иш-ишдән кечәндән сонрамы хәҹаләт тәри төкүб пешман олаҹағыг?! “Евровисиончулар вә ҝејләр” парадыны тәшкил едәнләр һансы бир мәмләкәтә ҝәлдикләрини чох ҝөзәл билирләр. Онлар ҹүрәт тапыб јер үзүндә һеч бир Ислам өлкәсиндә бу програмы иҹра едә билмәзләр. Бәс, нәјә ҝөрә биздә?! Әһалиснин әксәријјәтини мүсәлманлар тәһшкил едән бир өлкәдә?! Ислама вә Гурана еһтирам олунан бир өлкәдә?
Чүнки, дөвләт мәмурлары вә башчысы буна разылыг вериб вә бунун мүгабилиндә өһдәлик ҝөтүрүбләр. Онлар елә бир ганун да гәбул едирләр ки, мүсәлман өлкәсиндә истәр дахилдә, истәрсә дә хариҹдә охујанлар белә програмлара гаршы етираз етсәләр онлары зиндан, шәр, бөһтан вә әзијјәтләр, лазым оланда да өлүм ҝөзләјир. Лакин заман ҝөстәрди ки, гејрәтли, шәрәфли, алим вә зијалылар, шаирләр белә фаҹиәләри өз гәләмләри, дилләри илә дә олса писләјир вә писләјәҹәкләр. Амма, һакимијјәт мүсәлман халгын һансы вәзијјәтиндә “Еуровисион вә ҝејләр” үчүн бу мүсәлман халгын милјонларла манатыны хәрҹ едир?!
-торпагларымызын 20%-нин дүшмән ермәниләр тәрәфиндән ишғал олундуғу һалда;
-шәһид алиләләринин, Гарабағ ветеран вә әлилләринин бахымсызлыг вә чәтинликлә јашадыглары һалда;
-мүсәлман халгы аҹындан көпүк гусдуғу һалда;
-хәстәләрин һәкимә белә мүраҹиәт етмәјә пулу олмадығы һалда;
-мүәллим, алим вә һәкимләрин игтисади вәзијјәтинин ән чәтин олан һалында;
-ушагларын пул дәрдиндән мәктәбә сөкүк, ҹырыг палтар, ајаггабы илә ҝетдији һалда;
-минләрлә савадлы ҹаванларымыз ишсизлик вә пул дәрдиндән Русија күчәләриндә картоф-соған вә ҝөј-ҝөјәрти сатдығы һалда;
-көрпә ушаглара һеч бир мадди һимајә олмадығына ҝөрә, палтар дәрдиндән ҹын-ҹындырлар ичиндә сахландыглары һалда;
-гышын сојуг чағында тракторла да кечилмәјән кәнд јолларымыз олан һалда;
-һәким олмадығындан јохсул вә мискинләр елә јорған-дөшәкдә ҹан вериб өлән һалда;
- јохсулларымыз гышда газ вә ишыг дәрдиндән исти отаға вә исти суја һәсрәт галдығы һалда;
- дин вә виҹдан горујан алим вә ҹаванларымыз мәсҹидләрдә һаггы демәк истәјәндә ағзындан вуруб “терорист вә наркоман” бөһтаныјла зиндан ҝушәләринә атылдығы һалда;
-мәктәбләрдә гышын сојугунда вә јајын истисиндә шаҝирдләр нараһатлыгла дәрс алдыглары һалда;
-дүшмән мүгабилиндә гејрәт вә намус кешијиндә дајанмыш әсҝәрләримиз һәр ҝүн шәһид олдуглары һалда;
-евләри башларына учулмуш, сөкүлмүш вә су алтында галмыш вәтәндашларымыз ән пис вә аҹынаҹаглы вәзијјәтдә олан һалда;
-халгын ишҝүзар ҹаванларына һеч бир игтисади саһәдә имкан вермәјән вә өлкәни дәдә малы кими бөлүб милјонлары газанан инһисарчылар олан һалда;
-ушаг бағчасындан тутмуш ән јүксәк назирликләрә кими ајаг тутуб јеријән рүшвәтхорлуг вә коррупсија олан һалда вә с.
Еј ҹаванлар! Еј Вәтәнин гејрәтли оғуллары! Еј Кәрбәлаиләр! Еј Һаҹылар! Еј Мәшәдиләр! Еј Мүәллимләр! Еј Зијалылар! Еј Шаирләр! Еј вүгарлы Ата-аналар! Еј гејрәтли Баҹылар! Еј Гуран, Ислам вә Әһли-Бејт (ә) ашигләри! Еј Мүсәлманлар! Еј өз ҝәләҹәк тарихи вә мәнәвијјаты һаггында аз да олса өзүндә мәсулијјәт һисс едән мүсәлман вәтәндашларымыз!
Бу, “Евровисион вә ҝеј парады” ејни мөтивли ики програмдыр. Белә ағыр ҝүнаһлара ҝөрә Аллаһын әзабы ҝәләндә һеч кәс истисна олунмајаҹаг! Аллаһын гануну будур ки, белә ағыр ҝүнаһлара етираз етмәјән халг вә тајфа һәмишә, Аллаһын гәзәбинә ҝәләр! Ҝөјдән башымыза јанар дашлар јағмаса да ајағымызын алтындакы торпағын сиркәләниб бизи бир анда удмасындан бизә һеч ким зәманәт верә билмәз!
Атын бу горхаглыг һиссини гәлбләриниздән! Азад олун! Һаггы вә һәгигәти демәји баҹарын! Һәгигәти фәрјад чәкәрәк демәји баҹарын! Буну Гуран бујрур ки, зүлм олунмушлар фәрјад чәкә биләрләр. Биз гәрбин зибилликләриндә галмыш инсанабәнзәр һејвансифәтләри Бакы күчәләринә чәкмәклә, өзүмүзүн дә онларла һәмрәј вә охшар олдуғумузу ортаја гојмуш олуруг! Бу програмларла, бизим ҝүл вә пак балаларымызын һагг вә һүгугуларына ән бөјүк хәјанәт олунур. Биз мүстәгиллик иддиасындајыг. Биз демократија иддиасындајыг! Биз азадлыг иддиасындајыг! Биз һәр ҝүн бу мүстәгиллик вә азадлығымызын јолунда шәһид веририк! Онлар бу програмларла, бизим мүсәлман халгын дин вә әгидәсини артыг ачыг шәкилдә мәсхәрәјә гојмуш олурлар.
Ән азы гәләминизлә, сөзүнүзлә, олдуғунуз адиториајда, дәрс вердијниз шаҝирдләрә, Гуран охумағы өјрәтдијиниз тәләбәләрә, тәрбијә вердијиниз көрпә ушаглара чатдырын бунлары ки, биз мүсәлманыг, бизим мүсәлман халгымызын торелантлыг һисси вар, амма бизим тарихимиздә, көкүмүздә “мавилик“ јохдур. Бизим милли мусигимиз вә муғамымыз вар, амма мүсәлман өлкәмиздә “ҝејләрин вә мавиләрин” чыхышыны гәти шәкилдә гәбул етмирик!
Бу Аллаһ дәрҝаһында ән ағыр ҝүнаһдыр. Бу ҝүнаһлар инсанлары ағлаҝәлмәз бәлалара тәрәф сүркләјир. Ҝәлин бундан артыг өзүмүзә, өвладларымыза, ҝәнҹләримизә, бу ҝүнүмүзә вә ҝәләҹәјимизә ләкә вурмајағын!
Фаиг Вәлизадә
2012-02-04
Диггәт: Хәбәрдән истифадә етдикдә мәнбәјә истинад лазымдыр
