Әһли Бејт -АБНА- хәбәр аҝентлијинин вердији хәбәрә әсасән Илаһијјатчы експерт, фәлсәфә доктору Елшән Мустафаоғлу Дини Гурумларла Иш үзрә Дөвләт Комитәсинин “Human Rights Watch” тәшкилатынын һесабаты илә бағлы ачыгламасынын бир мәгамына мүнасибәт билдириб. Дөвләт комитәсинин јанварын 31-дә јајдығы ачыгламада орта мәктәбләрдә һиҹаб гадағасы мәсәләсинә дә тохунулуб: “Бүтүн демократик дүнјәви дөвләтләрдә олдуғу кими Азәрбајҹан Республикасында да ваһид мәктәбли формасынын тәтбиги виҹдан азадлығынын позулмасы кими гәләмә верилә билмәз”.
Февралын 1-дә “Медиа форум” сајтына данышан илаһијјатчы експерт, фәлсәфә доктору Елшән Мустафаоғлу дејиб ки ки, Дини Гурумларла Иш үзрә Дөвләт Комитәсинин һиҹаб гадағасы илә бағлы ачыгламасы һәгигәти әкс етдирмир: “Орада “бүтүн демократик дүнјәви дөвләтләрдә” ифадәси елә ишләдилир ки, ҝуја ҹәмијјәтимизин дүнја-аләмдән хәбәри јохдур. Һамыја ајдын мәсәләдир ки, бүтүн демократик дүнјәви дөвләтләрдә, инкишаф етмиш вә инсан һагларына еһтирам гојулан дөвләтләрдә, о ҹүмләдән АБШ, Бөјүк Британија, Канада, Норвеч, Исвеч, Исвечрә, Алманија, Һолландија, Белчика, Ирландија, Италија, Испанија, һәтта гоншу Русијада белә һиҹаблы шаҝирдләр сәрбәст шәкилдә мәктәбә ҝедир. Һәтта бу өлкәләрдән бәзиләриндә барәсиндә ағыздолусу данышылан ваһид мәктәбли формасы да вар, амма елә бу һалда да мүтләг һиҹаблы шаҝирдләрин дин вә етигад азадлыглары нәзәрә алыныр – һиҹаба иҹазә верилир.
Демократик дүнјәви дөвләтләрин һеч бириндә һеч бир һалда, нә ваһид форма, нә дә башга бәһанәләрлә инанҹлы гызларын тәһсил һүгуглары позулмур. Әксинә, бу дөвләтләр диҝәр вәтәндашлар кими әһалинин инанҹлы тәбәгәсинин дә һүгугларыны нәзәрә алыр вә һиҹаблыларын сәрбәст тәһсил алмасы үчүн һәр ҹүр шәраит јарадылыр.
Мән рәсми дөвләт гурумунун белә јанлыш вә һәгигәти тәһриф едән бәјанатла чыхыш етмәсинә тәәссүфләнирәм. Зәннимҹә, Дини Гурумларла Иш үзрә Дөвләт Комитәсинин әсас вәзифәләриндән бири дөвләтлә инанҹлы вәтәндашлар арасында көрпү ролуну ојнамаг, инанҹлы вәтәндашларын проблемини динләмәк, онларын һәллинә чалышмагдыр. Бунун јеринә һәгигәти тәһриф едиб “бүтүн дүнјада беләдир” демәклә кими алдадырыг? Нијә проблеми һәлл етмәк әвәзинә диндарлары бир аз да гыҹыгландырырыг?
Бүтүн демократик дүнјәви дөвләтләрдә һиҹаблы шаҝирдләр һиҹабла дәрсә ҝедирләр вә биздән фәргли олараг о өлкәләрдә ваһид мәктәбли формасынын тәтбиги виҹдан азадлығынын позулмасына бәһанә олмур. Һиҹаб мүтләг нәзәрә алыныр. Бизим конститусијамызда бүтүн вәтәндашларын тәһсил һаггы таныныр вә тәмин олунур – истәр һиҹаблынын, истәрсә һиҹабсызын. Һеч бир гадаға конститусијамыза зидд олараг һиҹаблы балаларымызын тәһсил һагларыны мәһдудлашдыра билмәз”.
Диггәт: Хәбәрдән истифадә етдикдә мәнбәјә истинад лазымдыр
