Әһли Бејт -АБНА- хәбәр аҝентлијинин вердији хәбәрә әсасән Ҝөјчај Рајон Иҹра Һакимијјәтинин (РИҺ) башчысы Мәнсур Мәммәдовун өлүмҹүл дөјүлмәси барәдә етибарлы мәнбәдән “Јени Мүсават”а мәлумат дахил олуб. Мәнбәнин билдирдијинә ҝөрә, тәхминән бир ај әввәл иҹра башчысы Русијанын мәшһур истираһәт зонасы сајылан Кисловодска ҝедиб. М.Мәммәдов истираһәтә тәк јолланмајыб, Азәрбајҹан парламентинин ханым депутатларындан бири дә онунла бәрабәр Кисловодскда олуб. (Һәмин депутатын адыны билирик садәҹә етик гајдалара ҝөрә ачыгламырыг - ред).
Амма ханым депутат истираһәт мәканында М.Мәммәдовла бирликдә ҹәми беш ҝүн галандан сонра Азәрбајҹана дөнүб. Бундан бир нечә ҝүн сонра исә иҹра башчысы Кисловодскдакы ресторанларын бириндә јејиб-ичәндән сонра ресторандакы ханымларын бири илә таныш олмаг истәјиб. Һәмин ханымла бирликдә ресторанда әјләнән шәхсләр М.Мәммәдовун бу һәрәкәтиндән гәзәбләнибләр вә онларын арасында мүбаһисә башлајыб. Сонрадан әлбәјаха даваја чеврилән инсидент заманы М.Мәммәдов мөһкәм дөјүлүб вә ҹидди хәсарәтләр алыб. Мәнбәнин сөзләринә ҝөрә, күт аләтләрлә јетирилән хәсарәтләр нәтиҹәсиндә иҹра башчысы һушуну итириб вә хәстәханаја јерләшдирилиб. Онун вәзијјәти о гәдәр ағыр олуб ки, һәтта һәкимләр М.Мәммәдовун һәјата гајтарылаҹағына үмид етмәдикләрини билдирибләр. Амма бир нечә ҝүндән сонра М.Мәммәдовун сәһһәтиндә мүсбәтә доғру дөнүш олуб вә һазырда онун мүалиҹәси Русијада давам етдирилир. Она хәсарәт јетирәнләрин сахланылыб-сахланылмадыглары, “разборка”нын сонра һансы формада давам етдирилмәси барәдә мәлуматлар јохду. Мәнбә ону да гејд едиб ки, бу давадан сонра М.Мәммәдовун бычаг вә ја олду силаһла вурулдуғу барәдә дә мәлуматлар долашыб.
Алдығымыз хәбәри дәгигләшдирмәк вә М.Мәммәдовун һазырда һарада олдуғуну өјрәнмәк үчүн Ҝөјчај Рајон Иҹра Һакимијјәтинин иҹтимаи тәшкилатлар вә сијаси партијаларла иш шөбәсинин мүдири Елдәниз Мәммәдовла әлагә сахладыг. Шөбә мүдири иҹра башчысынын мәзунијјәтдә олдуғуну тәсдигләсә дә, онун һарада олмасы һагда мәлумат вермәди.
Мәлумат үчүн билдирәк ки, јанварын 23-дә ахшам саатларында Ҝөјчај РИҺ-ин бинасында јанғын баш вериб. Һадисә јеринә ики јанғынсөндүрән машыны ҝәлиб. Јанғынсөндүрәнләрин сәји нәтиҹәсиндә јанғынын гаршысы алыныб. Јанғын заманы бинанын бир нечә отағы јанараг јарарсыз һала дүшүб. Јанғынсөндүрән машынлар бинаја хејли су вурдуғу үчүн отагларын чоху су илә долуб вә орадакы сәнәдләрлә јанашы, диҝәр әшјалар да јарарсыз һала дүшүб. Јанан отаглар арасында иҹра башчысынын кабинетинин олдуғу да иддиа едилир. Медиада бинанын гәсдән јандырылмасы һагда да мәлуматлар јајылмышды. Буна сәбәб һадисә заманы јанан отагларын арасында сәнәдләрин јығылдығы отағын да олмасы иди.
Дүнән ахшам саатларында мәсәлә илә бағлы редаксијамыза јени мәлумат дахил олуб. Мәлуматда дејилир ки, јанғындан өнҹә Мәнсур Мәммәдовун отағында тәмир ишләри апарылырмыш. Бүтүн ваҹиб сәнәдләр исә аҹыг вәзијјәтдә масанын үстүндә олуб.
Ону да әлавә едәк ки, Мәнсур Мәммәдовун Кисловодскда вурулмасы илә бағлы редаксијамыза бир нечә ҝүн өнҹә мәлумат дахил олуб. Садәҹә бәзи арашдырмалар апардығымыз үчүн онун дәрҹини јубатдыг.
Гејд едәк ки, М.Мәммәдов нәглијјат назири Зија Мәммәдовун әмиси оғлудур. Јазы илә бағлы иҹра башчысынын да мөвгејини дәрҹ етмәјә һазырыг.
Самир КАЗЫМЛЫ, Тејмур ҺҮСЕЈНЛИ
Диггәт: Хәбәрдән истифадә етдикдә мәнбәјә истинад лазымдыр
