Әһли Бејт -АБНА- хәбәр аҝентлијинин вердији хәбәрә әсасән дүнән Сумгајыт Шәһәр Мәһкәмәсиндә Азәрбајҹан Ислам Партијасынын сәдр мүавини Ариф Гәнијевин иши үзрә просес кечирилиб.
Вәкил Анар Гасымлынын Исламазери.аз-а вердији мәлумата ҝөрә, прокурор Ариф Гәнијевә 2 ил 6 ај һәбс ҹәзасы верилмәсини тәклиф едиб. Анар Гасымлы мүдафиә чыхышына һазырлашмаг үчүн һаким Зејгәм Һүсејновдан вахт истәјиб. Просес јанварын 26-да давам едәҹәк.
Гејд едәк ки, Ариф Гәнијев өтән илин августунда МТН тәрәфиндән зоракылыгла сахланылмышдыр. Ону Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә шәрләјәрәк һәбс етмишләр.
Диггәт: Хәбәрдән истифадә етдикдә мәнбәјә истинад лазымдыр
