Әһли Бејт -АБНА- хәбәр аҝентлијинин вердији хәбәрә әсасән Ичәришәһәр “Ҹүмә” мәсҹидинин дини иҹмасы Мәһәррәм-Сәфәр әјјамынын сон ҝүнләриндә “Ашура һәгигәтләри” адлы елми конфранс кечирди. Кофрансын апарыҹысы Һумај Һаҹыјева ҝириш сөзү илә тәдбир иштиракчыларыны саламлајараг, һәр кәсә бу мүбарәк мәҹлисдән бәһрәләнмәк тофигаты диләди. Апарыҹы гејд етди ки, илк конфрансда чыхышлар әсасән Мәһәррәм ајынын Ашураја гәдәрки дөврунә һәср олунмушдуса, будәфәки чыхышлар әсасән Ашурадан сонракы мөвзулары әһатә едир.
Илк чыхышчы Ҝүнел Һүсејнли Имам Һусејни (ә) гәтл едән дөврәдәк баш верән просесләрин ардыҹыллығына тохунду. Сәһабәләрин Пејғәмбәр (с) әманәти илә нијә бу ҹүр рәфтар етмәләринин тарихи көкләрини арашдырды.
Даһа сонра чыхыш едән Ҝүләр Аллаһвердијева “Исламы јашадан шәхс адлы” мәгаләсиндә ҹаныны дининә сипәр едән Имамын (ә) Исламы јашатмаг уғрунда шәһид олдуғуна ишарә едәрәк, Ханым Зејнәбин (с.ә). Имам Һүсејнә (ә) әза сахламаг әнәнәсини давам етдирмәјин мүсәлманлар үчүн нә гәдәр әһмијјәтли олдуғуну вурғулады.
Тәравәт ханым исә Кәрбәлада сәһабәләрин һәдсиз фәдакарлығындан сөз ачды. О Һз. Әбәлфәзл Аббасын (ә) чај кәнарында су ишмәмәси, Зуһејрин гәһрәманҹасына дөјүшмәси, онун ханымы Доһанын да фәдакарлыгларындан нүмунәләр ҝөстәрди.
Јеҝанә Зејналова Кәрбәлада сәсләнән шүарлар барәдә чыхыш етди. Имам Һүсејнә (ә) мәхсус олан “азадлыг”, “иззәт”, “зилләт биздән узагдыр” шуарларынын Онун һәрәкатынын әсас руһландырыҹы сөзләри олдуғуна тохунду. Јеҝанә ханым гејд етди ки, мәрсијәләрдә сәсләнән сөзләр дә Кәрбәла шүарлары илә ујғун ҝәлмәлидир. Бәзи һалларда исә мәрсијәләрдә јазыглыг вә мәзлумлуг кими сөзләр сәсләнир ки, бу да Имам Һүсејн (ә) һәрәкатынын руһуна зиддир.
Нөвбәти чыхышчы Ҝүнел Атакишијева “Сәбр вә иффәтин алынмаз галасы” адлы мәгаләсиндә Ханым Зејнәбин (с.ә) бир чох фәзиләтләри ичәрисиндә сәбр вә иффәт хүсусијјәтини хүсуси вурғулады. О, Ханымын (с.ә) һәјатыны 3 һиссәдә - Кәрбәладан өнҹә, Кәрбәлада вә Кәрбәладан сонра – арашдырараг, онун сәбринин Ашура фаҹиәсиндән сонракы давранышларында јүксәк зирвәдә олдуғуну гејд етди.
Зүлејха Бағырзадә “Аллаһа апаран јол” адлы мәрузәсиндә Рәббинә јахынлашманын кими севиб, кимә нифтәр бәсләјәҹәјиндән асылы олдуғуну билдирди. Динин севҝи вә нифрәт анлајышларынын нә гәдәр өнәмли олдуғуна ишарә етди.
Чыхышчы Бикәханым Әзимова тәдбирин 20 Јанвар әрәфәсиндә кечирилдијинә диггәт чәкәрәк, бир даһа о фаҹиәни јаддашларда тәзәләди. Вә Аллаһдан ганлы јанвар шәһидләринин гијамыны Кәрбәла гијами илә Имам Меһди (ә.ф) гијамы арасындакы зәнҹирин бир һәлгәси олмасына гәрар вермәсини дуа етди.
Рәсми чыхышлардан сонра тәдбир ишритакчылары өз фикирләри илә бөлүшдүләр. Фәридә ханым Һз. Әбәлфәзл Аббасын (с) “Һаҹәтләр гапысы” ады барәсиндә иштиракчылара мәлумат верди. Чыхышлар арасы ҝөстәрилән клипләр тәдбир иштиракчыларына һүзнлү анлар јашатды. Сонда апарыҹы Һумај Һаҹыјева уҹа Аллаһдан Мәрәррәм ајындан әлдә олунан илаһи азугәни Рамазан ајынадәк горујуб сахламағы арзу етди.
Диггәт: Хәбәрдән истифадә етдикдә мәнбәјә истинад лазымдыр
