Әһли Бејт -АБНА- хәбәр аҝентлијинин вердији хәбәрә әсасән Нахчыванда Васиф Талыбова гаршы һиддәт өзүнүн клуминасија нөгтәсиндәдир. Бурдакы аҹынаҹаглы вәзијјәт Азәрбајҹанын һеч бир әјаләти илә мүгајисә олуна билмәз. диҝәр тәрәфдән Нахчыван ханы Бакыда да өзүнә гаршы ҹидди бир мүхалифәт формалашдырыб.
Әлдә етдијимиз мәлумата ҝөрә Нахчыванда һәр ан сосиал партлајыш ола биләр. Васиф Талыбов һәлә ки, вәзијјәти полис сүнҝүләри үзәриндә идарә етмәји башарса да, вәзијјәтин нәзарәтдән чыхмасы кичик бир гығылҹыма бәнддир. Мәнбә билдирир ки, Нахчыванда јашајан вәтәндашлар өзләрини вәтәндаш олмагдан даһа чох көлә кими һисс едирләр. Чүнки Мухтар Республикада әдаләт вә ганун дејил, Али Мәҹлис сәдринин мүтләг ирадәси тиранлыг едир.
Мәнбә билдирир ки, Васиф Талыбов Бакыда да өзүнә гаршы бөјүк бир мүхалииф гүввә формалашдырыб. Онларын арасында һакимијјәт нүмајәндәләри вә һәтта олигархларда вар. Билдирилир ки, өзүнү Нахчыванын мүтләг һакими олараг таныдан Васиф Талыбов бәзи һакимијјәт нүмајәндәләрини Нахчывана белә бурахмыр. Персона нон-грата елан олунан шәхсләр арасында назирләр дә вар.
Мәнбә мәлуматына ҝөрә Бакыда формалашан анти-Талыбов коалисијасы Нахчыванда халгын ајаға галхмасынын вә Васиф тТалыбова гаршы ингилаб етмәсинин тәрәфдары кими чыхыш едирләр. Чүнки Талыбову јенмәнин башга јолу ҝөрүнмүр.
Бу ҝүнә гәдәр Васиф Талыбова гаршы сарајдахили интригаларын һеч бир нәтиҹә вермәдијинә диггәт чәкән мәнбә билдирир ки,Нахчывандакы вәзијјәт еләдир ки, халгын ајаға галдырылмасы елә дә ҹидди проблем дејил. Амма Бакыдакы һакимијјәт нүмајәндәләри гығылҹымын Бакыја сычрамасындан горхурлар. Она ҝөрә дә Бакыда анти-Талыбов үсјаны үчүн дүјмәни басмаға еһтијат едирләр.
Диггәт: Хәбәрдән истифадә етдикдә мәнбәјә истинад лазымдыр
