Әһли Бејт -АБНА- хәбәр аҝентлијинин вердији хәбәрә әсасән: Јанварын 13-дә Бакы Апелјасија Мәһкәмәсиндә илаһијјатчы Абҝүл Сүлејмановун һәбс мүддәтинин узадылмасындан верилән шикајәтә бахылыб. Саат 15:00-да башлајан мәһкәмәни һаким Фаиг Гасымов апарыб.
Илаһијјатчынын вәкили Анар Гасымлынын Исламазери.аз-а вердији хәбәрә ҝөрә, мәһкәмә вәсатәти тәмин етмәјиб.
Гејд едәк ки, Сәбаил Рајон Мәһкәмәси 2011-ҹи ил декабрын 27-дә Абҝүл Сүлејманов һаггында һәбс гәтимкан тәдбиринин даһа 3 ај мүддәтинә узадылмасына гәрар вериб. Истинтагы апаран Милли Тәһлүкәсизлик Назирлији һәбс мүддәтинин узадылмасына әсас кими Абҝүл Сүлејмановун “Исламазери.аз” сајтынын баш редактор Рамин Бајрамовун иши үзрә шаһид гисминдә ифадә вермәли олдуғуну ҝөстәриб.
Хатырладаг ки, Абҝүл Сүлејманова 234.4.3-ҹү маддә илә (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) ШӘРЛӘНӘРӘК иттиһам верилиб. О, Ҹинајәт Мәҹәлләсинин 228.1-ҹи маддәси илә дә (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) ШӘРЛӘНӘРӘК ҝүнаһландырылыр.
Диггәт: Хәбәрдән истифадә етдикдә мәнбәјә истинад лазымдыр
