Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр әрзиндә гардаш Түркијәнин сијаси-иҹтимаи һәјатында ҹидди һадисәләр баш вериб. Ордунун кечмиш баш гәрарҝаһ рәиси Илкәр Башбуғун һәбси, өлкәнин ана мүхалифәт лидери вә ҸҺП башганы Камал Кылычдароғлунун истинтага ҹәлб олунмасы Түркијә вә дүнја иҹтимаијјәтиндә бөјүк ажиотаж јарадыб.
Түркијәдә баш верәнләри ФактХебер.ҹом-а шәрһ едән Гарабағ Азадлыг Тәшкилатынын сәдри Акиф Нағы бу просесләрин чохдан башладығыны билдирди: “Түркијә игтидарынын атдығы бу аддымлар ордунун һакимијјәтә тәсир имканларыны зәифләтмәк үчүн едилир. Игтидар бүтүн ҝүҹү илә чалышыр ки, өлкәдә онун һакимијјәтинә шәрик һәр һансы бир гүввә олмасын. Мәтбуатда јајылан мәлуматлардан белә ајдын олур ки, АКП Түркијә ордусундан гисас алмаг гәрарына ҝәлиб. Әҝәр јадыныздадырса, АКП чох чәтинликлә һакимијјәтә ҝәлиб вә ондан әввәлдә дә Әрдоғанын президентлијә намизәдлијини гадаған етмишдиләр.”
Түркијә игтидарынын бу аддымларла мәркәзи һакимијјәти ҝүҹләндирмәк фикриндә олдуғуну гејд едән Акиф бәј, “фактики олараг АКП-јә гәдәр Түркијәдә ики һакимијјәтлилик мөвҹуд иди. Игтидар вә орду”, - дејә билдирди: “Әрдоған һакимијјәти мәркәзи һакимијјәтин гурулмасында манеә олаҹаг бүтүн гүввәләри арадан галдырмаг истәјир. Әҝәр һакимијјәтин атдығы аддымлар Түркијәнин ҝүҹләнмәсинә хидмәт едәҹәксә, бу просесләри тәгдирәлајиг һал кими гијмәтләндирмәк олар.”
Түркијә һакимијјәтинин һәр һансы бир мәгамда сәһв аддым атаҹағындан еһтијатлы олдуғуну гејд едән Акиф Нағы, “бүтөвлүкдә атылан аддымларын һәлә ки, Түркијәнин ҝүҹләнмәсинә хидмәт едир”, - дејә билдирди.
“Түркијәдә ҝенералларын һәбси ордунун һакимијјәтә гаршы галхмасына сәбәб ола биләрми” суалына да ајдынлыг ҝәтирән тәшкилат сәдри, “кифајәт гәдәр габаглајыҹы тәдбирләр һәјата кечирдилиб. Һәтта Баш Гәрарҝаһ рәисинин һәбс олунмасындан белә чәкинмәдиләр”, - дејә суалы ҹавабландырды: “Бу һәбсләрлә Түркијәдә ҝенералларын тохунулмазлыг дүшүнҹәси арадан ҝөтүрүлдү. Һәлә ки, бу гәдәр ҹидди һәбсләрдән сонра мүгавимәт һисс олунмајыб. Кифајәт гәдәр габаглајыҹы тәдбирләр ҝөрүлдүјүнә ҝөрә, ордунун һакимијјәтә гаршы галхма шансы олдугҹа аздыр.”
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
