Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Суријадакы сәфири Гәзәнфәр Рукнабади Дүнја Мүсәлманларынын Тәглид Мәрҹәси Ајәтуллаһ Насир Мәкарим Ширази илә ҝөрүшәрәк Јахын Шәрг өлкәләри барәдә хүсуси илә дә Сурија вә Ливан дөвләтләриндә баш верән олајлар һаггда ачыглама вермишдир.
Тәглид Мәрҹәси ҝөрүшдә ҹәнаб сәфирә Суријанын сабитлијинин горунуб сахланмасы вә бу өлкәнин әмнијјәтинин тәмин олунмасынын зәрури олмасын билдирәрәк демишдир: “Сурија сионист гүввәләринә гаршы мүгавимәт ҝөстәрән өлкәләр сырасында ән мүһүммүдүр. Она ҝөрә ки, бу өлкә сионистләр илә мүбаризәдә өн ҹәбһәдә дурур. Бизим дүшмәнләримизин тәкҹә истәји мүгавимәт һәрәкатыны дағытмагдыр. Әҝәр онлар буна наил олсалар бир баша Ливана, Ирага вә Иран Ислам Республикасына гаршы ашкарҹасына һүҹума кечәҹәкләр.”
Ајәтуллаһ Мәкарим ҹәнаблары Ислам Дүнјасында баш верән олајларын ипириалист гүввәләр тәрәфиндән дүнјаја тәһриф едиләрәк чатдырмаларына ишарә едәрәк бу јалан тәблиғатларын доғру вә дүзҝүн хәбәрләри КИВ-нин көмәји илә јајмагла гаршысыны алмсына тәкид етмишдир: Бизим өлкә аҝентликләри бу зәминәдә фәаал олмалыдыр. Сурија мәсәләсини лазымынҹа ачыгламалыдыр...
Ҹәнаб Мәкарим сөзүнә давам едәрәк бујурмушдур: Биз Суријада ислаһатларын апарылмасыны вә һәр ики тәрәфдән силаһлы инсидентдән узаг олмаларын истәјирик. Биз Бәһрејн, Јәмән Әрәбистан, Сурија вә.с. өлкә халгларынын һүгугларынын бәрпа олунмасынын тәрәфдарыјыг. Вә Хариҹи гүввәләрин бу өлкәләрдәки һәр һансы бир фәалијјәтләринә вә дәхаләт етмәләринә гаршыјыг...
Сонда Тәглид Мәрҹәси Иран Ислам Республикасы Сәфириндән өз саламыны Ливанлы Алимләрә чатдырмасын истәди.
Диггәт: Хәбәрдән истифадә етдикдә мәнбәјә истинад лазымдыр
