Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Азәрбајҹандакы сәфирлијинин мәтбуат хидмәтинин рәһбәри Аббас Исҝәндәри Азәрбајҹанын бәзи КИВ-ләри илә бағлы ачыгламасында дејиб: “Сон ҝүнләр империалист гүввәләрә хидмәт едән күтләви информасија васитәләри јалан хәбәр јајараг, Иранын дүнја илә интернет әлагәсинин кәсилдијини иддиа етдиләр. Бу јалан хәбәр Азәрбајҹан Республикасында да АБШ вә сионист даирәләрә бағлы олан, даима өз тамашачыларыны алдадыб, әлә салмагла мәшғул олан КИВ-ләрдә ҝениш шәкилдә јајымланыб”.
Аббас Исҝәндәри Интернет әлагәнин кәсилмәсинин техники проблем олдуғуну вә бу проблем јарым ҝүн давам етдијини дејәрәк билдириб: Мүтәхәссисләрин сәјләри нәтиҹәсиндә бу проблем арадан галдырылды. Үмумијјәтлә, бүтүн саһәләрдә, хүсусилә дә рабитә саһәсиндә бөјүк технолоҝијаларын әлдә олундуғу вә инкишаф етдији индики дүнјамызда белә бир шеј үмумијјәтлә мүмкүн дејил. Өлкә вәтәндашларынын интернет васитәсилә дүнја илә әлагә гурмасында һеч бир проблем јохдур.
О сөзүнә давам едәрәк билдириб: Мән бурада башга бир мөвзуја да тохунмаг истәрдим. Һазырда Иранда јени бир лајиһә һазырланыр, бу да милли интернетин јарадылмасы вә саһмана салынмасыдыр. Лакин чох тәәссүф ки, бу саһәдә савады вә кифајәт гәдәр мәлуматы олмајан адамлар бу мәсәләни онунла һеч бир әлагәси олмајан вә ҹәми јарым ҝүн давам едән техники проблемлә бағламаға вә бөјүк, јанлыш вә һәгигәтә ујғун олмајан хәбәри иҹтимаијјәтә сырымаға чалышдылар. Бәзиләринин чох мәгсәдјөнлү шәкилдә ортаја атдығы белә бир јалан мәлумат һәгигәт ортаја чыханда ону јајанларын өзләринин нүфузуна вә имиҹинә ағыр зәрбә вурду. Тәәссүф ки, бәзи медиа васитәләри дә доғрулуғуну јохламадан бу хәбәри јајдылар.
Бу, Иран һәгигәтләрини башга шәкилдә чатдырмаға јөнәлән вә бундан әввәлләр дә олмуш сәјләрин давамыдыр. Ислами ојанышдан о өлкәләр горхмалыдырлар ки, буну өзләринә бир тәһдид кими ҝөрүрләр. Лакин Иран Ислам Республикасынын фикринҹә, өлкәнин Али Дини Лидеринин бујурдуғу кими, әрәб өлкәләриндә баш вермиш бу ислами ојаныш ислам дәјәрләринә бир гајыдышдыр, Ислами бир ојанышдыр. Нәзәрә алаг ки, Иран Ислам Республикасынын өзү Ислам Сивилизасијасына бир даһа гајыдыш мәфкурәсини өз ингилабы илә ортаја гојуб. Бурадан ајдын олур ки, бу, Ирана гаршы бир тәһдид дејил, әксинә, Иран Ислам Республикасы бу Ислам ојанышыны һәртәрәфли алгышлајыр вә дәстәкләјир. Һисс олунур ки, белә бир фикир (јәни Ислами Ојаныш мәфкүрәсиндән горхмаг) о өлкәләр тәрәфиндән ортаја гојулур ки, онларын өзләриндә бунунла әлагәдар бур горху вар”.
Диггәт: Хәбәрдән истифадә етдикдә мәнбәјә истинад лазымдыр
