Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Хорасане Рәзәви вилајәтинин Һәҹҹ вә Зијарәт идарәсинин мүдири Мәсуд Мүҹәррәди Мисирдә јерләшән зијарәтҝаһлар илә бағлы ачыглама вериб.
О, биилдириб ки, һал һазырда Һәҹҹ вә Зијарәт идарәси Сәуди Әрәбистанына, Суријаја вә Ирага зәввар ҝөндәрир. Јахын ҝәләҹәкдә дә биз Мисир өлкәсиндә јерләшән мүгәддәс мәканлара да зијарәтчиләримизи ҝөндәрәҹәјик.
Мәсуд Мүҹәррәди дедикләринә әлавә едәрәк билдириб: “Билдијимиз кими Ханым Зејнәбин (сәламуллаһи әлејһа) мүгәддәс мәгәди барәдә тарихдә вә дини әдәбијјатымызда фикир ајрылығы мөвҹүддүр. Бәзи мәнбәләр Ханымын мүгәддәс мәргәдини Суријјада, диҝәр мөтәбәр мәнбәләр исә Мисирдә одуғуну билдирир. Лакин билирик ки, Ханым Зејнәбин (сәламуллаһи әлејһа) мүгәддәс мәргәдинин Мисирдә олма еһтималы даһада ҝүҹлүдүр. Елә бу сәбәбә ҝөрәдә биз јахын ҝәләҹәкдә Иран Ислам Республикасынын вәтәндашларыны Мисирә Ханым Зејнәбин (әлејһа салам) зијарәтинә ҝөндәрмәк әзминдәјик.
Хатырладаг ки, бәзи бөјүк дин алимләринин нзәриндә, һәзәрәти Ханым Зејнәбин (сәламуллаһ әлејһа) мүбарәк мәргәди мәһз Мисирин пајтахды Гаһирә шәһәриндәди. Суријанын Дәмәшг шәһәриндә јерләшән мәргәд исә Әһли Бејт (әлејһимус салам) ханымларынын биринә мәнсубдур.
Гејд етмәк истәрдик ки, Мисирдә Ханым Зејнәбин (әлејһа салам) зијарәтҝаһы илә јанашы “Рә`сул Һусејн” (cәламуллаһи әлејһ) вә “Һәзрәти Нәфисә”нин (әлејһа салам) вә.с. мүгәддәс мәканлар да мөвҹуддур.
Диггәт: Хәбәрдән истифадә етдикдә мәнбәјә истинад лазымдыр
