Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын (АИП) үзвләринин апеллјасија шикајәтинә бахыш ҝүнү бәлли олуб.
Анар Гасымлы билдириб ки, исламчыларын Али Мәһкәмәјә мүраҹиәтинә бу ил февралын 29-да бахылаҹаг. Просесә һакими Һафиз Нәсибов сәдрлик едәҹәк.
Гејд едәк ки, АИП лидери Мөвсүм Сәмәдовун јанвар ајында һакимијјәтин әлејһинә тәнгиди чыхышындан сонра АИП функсионерләринә гаршы күтләви һәбс далғасы башлады.
Әсассыз иттиһамларла һәбс олунан Ислам Партијасынын сәдри Мөвсүм Сәмәдов 12 ил, мүавини Вагиф Абдуллајев 11 ил, Руһулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамиз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәтилә, 11 иллик шәрти ҹәзаја мәһкум олунуб.
Бундан әлавә Азәрбајҹан Ислам Партијасы сәдринин мүавини Ариф Гәнијевин ишинә Сумгајыт Шәһәр Мәһкәмәсиндә бахылаҹаг. Мәһкәмә ҝүнү вә һаким һәлә бәлли дејил.
2011-ҹи илин август ајында тутулараг Милли Тәһлүкәсизлик Назирлијинин тәҹридханасында сахланан Ариф Гәнијев Ҹинајәт Мәҹәлләсинин 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә ШӘРЛӘНӘРӘК иттиһам олунур.
Ариф Гәнијевин истинтагы 2011-ҹи илин сонларында јекунлашыб.
Диггәт: Хәбәрдән истифадә етдикдә мәнбәјә истинад лазымдыр
