Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын танынмыш руһаниләриндән бири олан вә һиҹаб гадағасына етиразыны билдирдији үчүн шәрләнәрәк һәбс олунан Һөҹҹәтул Ислам Сејјид Фәрамиз Аббасовун оғлу Камран Аббасова гаршы ҹинајәт иши ачылыб. Камран Аббасов атасы Фәрамиз Аббасовун үзүнә дуран јаланчы шаһид Әлиһүсејн Кәримову дөјмәкдә иттиһам олунур.
Белә ки, Сентјабр ајынын 14-ү Һиҹаб Мәһбуслары Азәрбајҹан Ислам Партијасынын (АИП) сәдри Һаҹы Мөвсүм Сәмәдов, онун гајны Фирдовси Мәммәдрзајев, әмиси оғлу Дәјанәт Сәмәдов, партија сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә, руһаниләр Һөҹҹәтул Ислам Сејјид Фәрамиз Аббасов вә Зүлфүгар Микајылзадәнин ҹинајәт иши үзрә мәһкәмә иҹласындан сонра Камран Аббасов тәрәфиндән дөјүлдүјүнү иддиа едән Масаллы рајон Өнҹәгала кәнд сакини Әлиһүсејн Кәримов К.Аббасовдан полисә шикајәт етмишдир.
Камран Аббасова гаршы Бакы шәһәри Нәсими рајон полис идарәсиндә 221.2.1 вә 127.2.3 маддәләри илә ҹинајәт иши ачылмышдыр.
Камран Аббасовун Хебер44.ҹом сајтына вердији мәлумата ҝөрә, атасы Һөҹҹәтул Ислам Фәрамиз Аббасовун үзүнә дуран шаһидләр Масаллы полис әмәлијјатчысы Назим Әкбәров, Масаллы рајон сакини Ҹамал Гасымов инди дә онун үзүнә дурараг Нәсими полисинә Камран Аббсовун Ә. Кәримову дөјдүјүнү билдирмишләр.
Масаллы рајон полис идарәсинин ҹинајәт ахтарыш бөлмәсинин рәиси Әбүлфәт Абдуллајев дә јазылы изаһат верәрәк Әлиһүсејн Кәримову Камран Аббасовун дөјдүјүнү јазмышдыр.
Јенә дә гејд етмәк истәрдик ки, шикајәтчи Әлиһүсејн Кәримов вә һәр үч шаһид Назим Әкбәров, Ҹамал Гасымов вә Әбүлфәт Абдуллајев Фәрамиз Аббасова гаршы сүрүлән јаланчы иттиһамлара ҝөрә Һөҹҹәтул Ислам Сејјид Фәрамизин үзүнә дурараг шаһидлик етмишләр.
Камран Аббасов ачыгламасында, она гаршы сүрүлән јаланчы иттиһамын атасы Һөҹҹәтул Ислам Фәрамиз Аббасовла бағлы олдуғуну билдирди.
Камран Аббасов: Масаллы полиси мәнә даим хәбәрдарлыг едәрәк атам Һөҹҹәтул Ислам Фәрамиз Аббасов барәсиндә сусмағы тапшырмышды. Јәгин бу тапшырыға әмәл етмәдијим үчүн белә бир сахтакарлыгла үзләшмишәм.
Диггәт: Хәбәрдән истифадә етдикдә мәнбәјә истинад лазымдыр
