Бу ҝүн һәзрәти Имам Һүсејнин(әлејһис сәлам) мәзлум баласы һәзрәти Ругәјјәнын (сәламуллаһи әлејһа) Шамын харабасында шәһид олдуғу ҝүндүр. Биз АБНА олараг бу шәһадәт мүнасибәтилә башда һәзрәти Имам Заман (әҹҹәләллаһу фәрәҹәһуш сәриф) олмагла бүтүн Әһли-Бејт (әлејһимус салам) ашигләринә тәсәлли дејирик.
Һәзрәт Рүгәјјәнин (сәламуллаһ әлејһа) шәһадәт тарихчәси
"Әср вахты Шамын харабасында бибиси һәзрәти Зејнәбдән (сәламуллаһи әлејһа) шамлы ушагларын ора-бура ҝетдикләринин ҝөрән бала бибисиндән ушагларын һара ҝетдикләрини сорушур. Бибиси ушагларын евләринә ҝетдикләрини билдирир. Гызҹығаз биби, бәс бизим евимиз јохдур? - дејә сорушур. Һәзәр Зејнәб (сәламуллаһ әлејһа) ҹаваб верир ки, нијә јохдур, бизим евимиз Мәдинәдәдир. Бу заман Ханым Ругәјјәнин (сәламуллаһ әлејһа) атасы илә бирликдә јашадыглары анлар јадына дүшүр вә атасыны истәјир. Харабанын бир ҝушәсинә чәкиләрәк гәмли һалда јухуја ҝедир. Јухуда атасыны ҝөрән бала, һөвлнак јухудан ајылыр вә ағлајараг атасыны чағырмаға башлајыр. Гызын ағламасы харабадакы диҝәр ханымлары да ағладыр.
Харабадан уҹалан аһ-налә Језидин сарајында да ешидилмәјә башлајыр. Језидин мәсәләнин нә јердә олдуғуну билдикдә әмр едир ки, Имам Һүсејнин (әлејһис сәлам) кәсилмиш мүбарәк башыны Ханым Ругәјјәјә (сәламуллаһ әлејһа) апарсынлар.
Имам һүсејнин (әлејһис сәлам) мүбарәк башыны бир синијә гојуб харабаја ҝәтириб гојурлар Шәһидләр Сәрвәринин гызынын габағында. Һәзрәти Ругәјјә (сәламуллаһ әлејһа) сининин үзәриндәки өртүјү кәнара чәкән заман атасынын кәсилмиш башыны ҝөрән кими башы әлинә ҝөтүрәрәк ағушуна басыр. Мүбарәк башын алнындан вә додагларындан өпән бала јанғы илә ағлајараг дејир: "Атаҹан, үзүнү ким белә ал-ганә гәрг едиб? Атаҹан, бојнунун дамарларыны ким кәсиб? Атаҹан, ким бизи ушаг вахты јетим гојду? Атаҹан, јетим ушаглар бөјүјәнәдәк кимә пәнаһ апарарлар? Атаҹан, каш торпағы өзүмә јастыг едәјдим амма саггалыны гана бојанмыш ҝөрмәјәјдим".
Харабанын бир ҝушәсиндә атасынын башы ағушунда бу ҹүр охшамалар дејә-дејә бирдән сәси кәсилир. Харабадакылар баланын јухуја ҝетдијини дүшүндүләр. Јахынлашдыгда о мәзлум баланын ҹаныны тапшырдығыны ҝөрдүләр.
Ханымлар балаја гүсл вериб ону елә орада да дәфн етдиләр"
Әла ләнәтуллаһи әләл-гаумиз-залимин
Диггәт: Хәбәрдән истифадә етдикдә мәнбәјә истинад лазымдыр
