Дүнјанаын бир нечә ҝүҹ мәркәзләри тәрәфиндән јарадылмыш НАТО алјансы өзүнү демократик вә инсани дәјәрләрин мүдафиәчиси кими ҝөстәрмәјә чалышыр. Лакин бу гурумун јарандығы тарихдән бу ҝүнә гәдәр ки, фәалијјәт истигамәтләринә бахсаг дејиләнләрин һәгигәтә ујғун олмадығынын шаһиди оларыг. Белә ки, Ираг, Әфганыстан вә Ливија һадисәләри вә сонунҹу дәфә НАТО-нун апарыҹы дөвләтләриндән олан Франсанын,Түркијәнин һеч бир тарихи әсасы олмајан гондарма ермәни сојгырымында иттиһам етмәси дејиләнләри бир даһа сүбут етди. Дејиләнләри нәзәрә алсаг белә бир суал мејдана ҝәлир: “НАТО кимә вә нәјә лазымдыр?”
Мөвзу илә бағлы ФактХебер.ҹом-а ачыглама верән Јашыллар Партијасынын һәмсәдри Маис Ҝуләлијев мараглы фикирләр сәсләндирди.
Һазырда НАТО-нун фәалијјәт истигамәтиндә Франсанын о гәдәр дә ролу олмадығыны гејд едән Маис Ҝүләлијев, тәшкилатын һәрби алјанс кими ҝенишләнмәсиндә АБШ-ын әсас рол ојнадығыны билдирди. “НАТО практики олараг АБШ-ын һәрби ҝүҹ мәркәзидир. Гурумун иллик һәрби бүдҹәсинин 50%-и Америка тәрәфиндән, јердә галаны исә диҝәр өлкәләр васитәсилә формалашмасына бахмајаарг, әсасән ашингтонун сијаси ирадәси илә фәалијјәт ҝөстәрир. Әлбәттә ки, бу һәрби алјанс Авропанын тәһлүкәсизлијини горујан һәрби блок кими јарадылмышдыр. Сонралар исә мүдафиә алјансы кими формалашмыш НАТО гүввәләри, һүҹум алјансына чевриләрәк АБШ-ын хариҹи сијасәтини тәмин еләмәјә башлады. Бу гурум Американын игтисади вә сијаси марагларына ујғун олараг фәалијјәт ҝөстәрир.”
НАТО-нун һәрби алјанс кими Косовода, Әфганыстанда вә Ирагдакы вәзифәсинин өлдүрмәк вә мәһв етмәкдән ибарәт олдуғуну гејд едән Маис Ҝүләлијев, бүтүн бунларын архасында АБШ сијасәтинин дурдуғуну билдирди.
“АБШ сијасәтинин архасында исә нефтлә зәнҝин олан өлкәләрин идарәчилијинин нәзарәтә ҝөтүрүлмәси дајаныр. Американын Әфганыстанда әсас мәгсәди һәмин реҝиондан кечән нефт боруларына нәзарәт етмәкдән ибарәтдир. Ејни һалда Вашингтон бу дөвләтә ордусуну јерләшдирмәклә дүнјада олан нарко-тиҹарәти нәзарәтдә сахламаг истәјир. Дејиләнләрин һамысы АБШ-ын реҝиондакы марагларына там олараг ујғундур.”
Бундан әлавә, Маис Ҝүләлијев гејд етди ки, НАТО-нун һәрби бүдҹәсинин 50%-нин АБШ тәрәфиндән малијјәләшдирилмәсинә бахмајараг, алјансын инсан ресурсларынын 10%-и Америка тәрәфиндән тәмин олунур.
“Јердә галан 90% инсан ресурсуну диҝәр өлкәләрин һесабына формалашдыран вә малијјәсинин јарысыны тәшкил едән АБШ бу мәсәлә дә ҹидди шәкилдә удмуш олур. Чүнки һансы өлкә НАТО-ја үзв олурса, һәмин өлкәдә тәшкилатын базасы јарадылыр. Бундан сонра алјанс инсан ресурслары үчүн һәмин өлкәдән пај алмагла, практики олараг Американын ресурсларындан вә инфраструктурундан истифадә етмәмәјә наил олур. Азәрбајҹан әҝәр бу гурума үзв олса, өлкәмиздә олан базалар да Азәрбајҹанын малијјәси һесабына гурулаҹаг. АБШ Азәрбајҹанда өзүнә аид олан бүтүн инфраструктурлары пул хәрҹләмәдән гурараг онлардан раһатлыгла истифадә етмәк шансы газанаҹаг. Белә олан һалда тәбии ки, јалныз ортада газанан Вашингтон олур. Үмумијјәтлә АБШ, НАТО-ну демокрартик дәјәрләри горујан бир гурум кими тәгдим етмәклә әслиндә өзүнүн тәҹавүзкар сијасәтинә дон ҝејиндирир.
Диггәт: Хәбәрдән истифадә етдикдә мәнбәјә истинад лазымдыр
