Рәһман вә Рәһим Аллаһын ады илә!
"Еј иман ҝәтирәнләр! ...Сизә: "Галхын!" дејилдикдә галхын ки, Аллаһ да сиздән иман ҝәтирәнләрин вә (хүсусилә) елм бәхш едилмиш кимсәләрин дәрәҹәләрини уҹалтсын. Аллаһ етдијиниз әмәлләрдән хәбәрдардыр!” ( Мүҹадилә сурәси? 11)
Ислам вә исламчылара гаршы һазыркы игтидар тәрәфиндән башланмыш репрессијанын давамында бу ҝүн игтидар нөвбәти һагсызлығыны бүтүн дүнјаја нүмајиш етдирди. Исламда ән зәрури мәсәләләрдән вә өнәмли мөвзулардан сајылан өрпәк, баш өртүјү, башга сөзлә, намус-гејрәт символуна ҝөрә етираз едән мүбариз, шүҹаәтли, тәгвалы вә вәзифәсини дүзҝүн дәрк едән Һөҹҹәтүл-ислам һаҹы Талеһ Бағырова вә мүбариз гардашымыз Елшән Аббасова сифаришли һөкм охунду.
Әҝәр диггәт етсәниз, әввәлки мүбариз алимләр вә мөминләрә дә һагсыз һөкмләрин еланыны мүбарәк Ҹүмә ҝүнүнә салмышдылар. Бунун сәбәби мүсәлман халгымыза икитәрәфли мәнәви зәрбә вурмагдыр. Биринҹи зәрбә, мүсәлман өлкәмиздә Ислам вә мүгәддәс Гуранымызын һөкмләрини ҹанларындан әзиз тутанлара зәрбә вуруб онлары һәбс вә зинданларла горхутмаг, диҝәр зәрбә исә сионист сифариши әсасында Исламда ән мүбарәк ҝүн кими танынан Ҹүмә ҝүнүнүнә һәгарәтдир. Әлбәттә, һәр ики һалда онларын ҹаваблары јалныз бу ајәдир: “Һалбуки шәрәф-шан да, (гүввәт, иззәт вә гәләбә дә) јалныз Аллаһа, Онун Пејғәмбәринә вә мөминләрә мәхсусдур, лакин мүнафигләр (буну) билмәзләр!” (Мунафигун, 8)
Һиҹаб вә Һиҹаб Гадағасы Мәһбусларыны Мүдафиә Комитәси өлкәдә Ислама вә исламчылара гаршы һагсызлыг вә репрессијаларын дәрһал дајандырылмасыны вә бүтүн һагсыз һәбс олунмуш Ислам алимләринин, инанҹлы вә мүбариз ҝәнҹләримизин дәрһал азадлыға бурахылмасыны тәләб едир!
Сонда өлкә башчысынын сон чыхышында, Ислама вә исламчылара гаршы өлкәдә бир илдән чох давам едән бүтүн бу репрессијалар, һагсызлыглар, шәр вә бөһтанлар, һагсыз тәгиб вә гарајахмалара бахмајараг, - “бәзи һалларда Ислам дининә гаршы әдаләтсиз һүҹумларла, исламофобија мејилләри илә растлашырыг, бәзи күтләви информасија васитәләриндә Ислам дининә гаршы бөһтан кампанијалары апарылыр” - кими ифадәсини һеч бир формада баша дүшә билмәдик. Исламы мүдафиә етмәкдән өтрү етираз едән 40 нәфәрә јахын дин алими вә инанҹлылар исламофобијаја хидмәт едир, јохса әлләринә дәјәнәк алыб бу халгын иманлы ҝәнҹләрини полис идарәләринә чәкән өзбашына мәмурлар? Баша дүшә билмирик, јүз мин шаҝиридин тәһсил алмаг истәјирәм фәрјады өлкә башчысына һәлә чатмајыбмы?
Бүтүн бунлардан мәлум олур ки, өлкә башчысынын, өлкәдә ҝедән просесләрдән вә репрессијалардан ја хәбәри јохдур ја да ки ....
Һәр һалда Вәтәнимизин белә аҹынаҹаглы вәзијјәтә дүшмәсини јалныз, өлкәнин 20%-дән чохуну ишғал етмиш ермәни дүшмәнләримиз вә онларын дахилдәки нөкәрләри истәјирләр!
Һиҹаб вә Һиҹаб Гадағасы Мәһбусларыны Мүдафиә Комитәси бүтүн бу һагсызлыглары мәһкум едир вә өлкәмизин дахилиндән вә хариҹиндән мәнәвијјатымыза зәрбә вуранларла сона гәдәр мүбаризә апармаға һазыр олдуғуну елан едир!
Мүдафиә Комитәсинин мәтбуат хидмәти
2011-12-23
Диггәт: Хәбәрдән истифадә етдикдә мәнбәјә истинад лазымдыр
