Әһли Бејт -АБНА- хәбәр аҝентлијинин вердији хәбәрә әсасән: Таҹикистанын Вәһдәт рајоунун мәһкәмәси «Муһәммәдијә» мәсҹидинә ҝәлән бир групп инсанын «Аллаһу Әкбәр» дејә гышгырдыгларына ҝөрә, 10 сутка һәбс ҹәзасы тәјин едиб.
Һаким диндарлары өлкәнин Административ кодексинин 460-ҹы маддәсинә ујғун олараг «кичик дәләдузлуг, иҹтимаи јердә сензура тәләбләринә зидд олаг даванын башладылмасы вә вәтәндашлара тәһгиредиҹи јанашма » илә тәгсирли билиб.
Мәсҹиддә олан диҝәр групп исә «иҹтимаи асајиши поздугларына ҝөрә» ҹәримәләнибләр.
Бундан әлавә мәсҹидин ахундлары Тураҹзадә гардашлары ифадә вермәк үчүн прокуратураја чағырылыблар: «Орада елә гәрибә, тәһрикедиҹи суаллар верирләр ки. Мәсәлән, биздән сорушурлар ки, нијә инсанлары спиртли ичкиләрдән, зинадан чәкинмәјә чағырырыг, јахуд сағлам һәјат тәрзи сүрмәјин ваҹиблијиндән данышырыг. Чүнки бизим бир чох мәмурларымыз вә вәтәндашларымыз араг ичмәји вә ҝәзмәји чох севирләр. Һөкумәтә ҝөрә, белә һал инсанларда чашгынлыг јарадыр. Ахы бу мәсәләләри биз фикирләшиб тапмамышыг, бу Исламын ганунудур вә бизим борҹумуздур ки, Аллаһын ујурдугларыны мәсҹидә ҝәләнләрә чатдыраг».
Гејд едәк ки, ҹүмә ҝүнләри Таҹикистанын «Мәһәммәдијә» мәсҹидинә тәхминән 30 мин инсан јығылыр. Онлар намаз заманы 12 дәфә «Аллаһу Әкбәр» дејирләр.
Хоҹа Әкбәр Тураҹзадә һесаб едәрәк билдириб ки, бүтүн бунлар сијаси мәгсәд дашыјыр. Һөкумәтин наразылығына сәбәб исә Тураҹзадә гардашларынын ҹүмә намазында моизә вахты Һәзрәт Мәһәммәд Пејғәмбәрин (с) Кәрбәлада шәһид олан нәвәси Имам Һүсејни (ә) барәдә данышмалары олуб.
Таҹтикистан Үләмалар Шурасы һесаб етдијини билдириб ки, мәсҹиддә Ашуранын гејд олунмасы республикада инанҹлылар арасында икитирәлик јарада биләр. Бу сәбәбдән онлар һөкумәтдән мәсҹидин имамларына гаршы тәдбир ҝөрмәләрини истәјиб.
Диггәт: Хәбәрдән истифадә етдикдә мәнбәјә истинад лазымдыр
