Әзиз Ислам Пејғәмбәринин (ә) өвлады, үчүнҹү имам Һәзрәт Һүсејнин (ә) Ашура мәрасимини бүтүн өлкә үзрә, тәхрибат вә манеәләрә бахмајараг, һәр илкиндән дә издиһамлы вә иззәтлә кечирән мүсәлман халгымыза өз миннәтдарлығымызы билдиририк!
Амма мүсәлман халгымыз һазыркы игтидарын Ислам вә мүгәддәс Гурана еһтирамсызлыг әламәти олараг гәбул етдији анти-ислам јәни, јени тәсдигләнән исламафобија ганунуларыны гәти шәкилдә писләјир вә өлкә тарихиндә белә ганунун ибтидаи инсан һагларынын ән кобудҹасына позулмасы кими гијмәтләндирир.
Өлкәдә баш алыб ҝедән фитнә-фәсад, оғурлуг, гумарбазлыг, шәрабхорлуг, наркотика, әхлагсызлыг, тәрбијәсизлик, мәнвијјатсызлыг, интиһар, гәсдән адамөлдүрмә, рүшвәтхорлуг кими онларҹа иҹтимаи бәлалара гаршы ән јүксәк сәвијјәдә бүдҹәсиз вә хәрҹсиз мүбаризә апаран мүгәддәс Ислама аид мәнәви материалларын вә програмларын гадағасы, хариҹдә рүшвәтсиз вә пак руһијјә илә али дәрәҹәдә дини тәһсил алмыш Әһли-Бејт (ә) мәктәбинин давамчыларынын тәблиғинин мәһдудлашдырылмасы вә бу саһәдә ағыр маддәлар вә ҹәримәләрин тәјин олунмасыны халгымызын мәнәвијјатына, бу ҝүнүнә вә ҝәләҹәјинә вурулан ән бөјүк мәнәви зәрбә һесаб едирик.
Үмидварыг ки, әзиз мүсәлман халгымыз пак вә мүгәддәс Ислам, Гуран вә Әһли-Бејт (ә) мәктәбинин өлкәмиздә там шәкилдә бүтүн тәбәгәләр арасында јајылмасында вар гүввәсиндән истифадә едәҹәк, сонда исә халгымызын бу ҝүнкү вә ҝәләҹәк нәсилләри гаршысында өз мәнәви борҹуну лајигинҹә јеринә јетирәҹәкләр!
Бу мүгәддәс Исламы, Гураны вә Ашура мәктәбини биздән әввәлки пак алим, зијалы, шаир, мүтәфәккир вә инананҹлыларымыз өз ҹанлары вә маллары баһасына бизләрә чатдырыблар вә биз дә иншааллаһ ҝәләҹәк нәслә өтүрмәлијик!
ҺҺГМ МК-нын мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
