Әһли Бејт -АБНА- хәбәр аҝентлијинин вердији хәбәрә әсасән :Ајәтуллаһ Һашим Һашимзадә шәнбә ҝүнү Имам Һүсејн (ә) мәсҹидинә топлашан Тәбриз ҹамааты арасындакы сөһбәтләринин давамында дејиб: "Бу өлкәдә бир ҝүн һиҹаб гадаған олур, бир ҝүн Исламын тәблиғинә гадаға гојулур, ја мәһдудијјәтләр јарадылыр, бир ҝүн исламчылар Бакы зинданларында ишҝәнҹә олунур, ја өлдүрүлүр.
Бакы һөкумәти вә онун Милли Мәҹлиси дејирләр ки, Ислам тәблиғчиләринин илаһи һөкмләри тәблиғ етмәк һаггы јохдур, өлкә вәтәндашлары дә Ислам Елм Даирәләриндә Исламы өјрәнә билмәзләр. Һалбуки, Гуран Ислам дининин тәблиғинә әмр едир.
Бу Гуранла зидд дејилми?Ислами ојанышын дүнјаны тәрпәтдији, исламчыларын Тунис вә Мисирдә ајаға галхдығы, АБШ вә Авропа кими гејри-Ислами өлкәләрдә мүсәлманлар азадҹасына Ислам сәсини уҹалтдығы, ҝүнүн бүтүн имканларындан истифадә едәрәк Исламы тәблиғ етдији бир дөврдә Бакы һөкумәти вә онун мәҹлиси –неҹә дејәрләр милли– халгын әксәријјәтинин истәјинин әксинә олан анти-Ислам һәрәкәтләри, коммунист режиминин анти-дини ҹаһилијјәт дөврүнә гајыдыб вә о дөврдән дәрс алараг һиҹабы гадаған едир.
Дүнја инсан һаглары бәјаннамәләриндә азад олан һаклар, Азәрбајҹан һөкумәти тәрәфиндән ашкар сурәтдә позулур, гадаған олур. Бу да һәмин диндән дөнмәдир. Мән белә дүшүнүрәм ки, бу, анти-Ислам Бакы дөвләтинин сүгут сәсидир.
Чүнки тарихи тәҹрүбә ҝөстәрир ки, 80 ил бундан габаг гулдур Рзахан өз вар ҝүҹү илә Исламла мүбаризәјә галхды; ислами һиҹабы, имам Һүсејн (ә) мәҹлисини, динин тәблиғини гадаған етди. Амма бу ҝүн онун һөкумәти тарихин зибил гутусундадыр, тарихдә онун вә аиләсинин рүсвајлыг вә бәднамлығындан башга бир шеј галмајыб".
О, Иран Ислам дөвләт вә халгынын Азәрбајҹан дөвләти вә халгы үчүн хејирхаһ вә дост гоншу олмасыны, һәмишә онларын хејрини истәдикләрини вурғулајараг, артырды: "Биз мүсәлман Иран халгы Бакы башчыларына хејирхаһлыг вә нәсиһәт үзүндән сөз дејирик вә үмидварыг ки, ешидилә вә мәгбул сајыла, онлары Ислам вә Ислам үммтинин ағушуна гајтара".
Диггәт: Хәбәрдән истифадә етдикдә мәнбәјә истинад лазымдыр
