Әһли Бејт -АБНА- хәбәр аҝентлијинин вердији хәбәрә әсасән : Онун сөзләринә ҝөрә, бу фәтва үмуми олуб вә сырф Р.Тағыја шамил олунмајыб: "Мән мәсәләни арашдырмышам. О заман Данимаркада бир карикатурачы Ыслам пејғәмбәрини тәһгир етмишди. Сонра Ысвечдә тәһгиредиҹи бир мәгалә чыхмышды. Рафиг Тағы исә Азәрбајҹанда мәлум мәгаләни јазмышды. Һәмин вахт Ләнкәранијә суалла мүраҹиәт етмишдиләр ки, бу ҹүр тенденсија вар, бунун ҹәзасы нәдир? О да билдирмишди ки, бунун ҹәзасы өлүмдүр. О, конкрет Рафиг Тағыны нәзәрдә тутмајыб вә демәјиб ки, ону өлдүрмәк лазымдыр. Мән шәриәт мүтәхәссисләри илә сөһбәт етмишәм. Онлар дејирләр ки, биринҹиси, Рафиг Тағы илә бағлы өлүм фәтвасы верилмәјиб. Ыкинҹиси дә, шәриәтә ҝөрә, һәтта фәтва верилсә белә, һәмин шәхс шәриәт мәһкәмәсинә ҹәлб едилир, мәһкәмә дә она ҹәза формасыны тәјин едир. Даш-галаг, асмаг вә с. Орада бычаглама формасы јохдур. Елә буна ҝөрә дә Салман Рүшдини өлдүрмүрләр. Һалбуки өлдүрә биләрләр. Үстәлик шәриәт мәһкәмәсинә ҝөрә, инсан Ысламы гәбул едирсә, о әфв дә олуна биләр. Бу, бир даһа ону ҝөстәрир ки, Ыран версијасына инанмаға дәјмәз
Ф.Ләнкәранинин оғлу Мәһәммәд Ҹавад Ләнкәранинин Р.Тағынын гәтлини алгышламасына ҝәлинҹә, Е.Фәтуллајев дејир ки, бу хәбәрин дәгиг олдуғуна даир дәгиг мәлуматлар јохдур: "Һәмин бәјанат ”Һагг јолу” сајтында дәрҹ олунуб. Бу сајтла бағлы һеч бир мәлумат јохдур. Билинмир бу сајт нә вахт јарадылыб, кимин үчүн јарадылыб, һарада фәалијјәт ҝөстәрир, баш редактору кимдир? Мән арашдырмышам, бу сајт әввәлләр дә фәалијјәт ҝөстәрмәјиб. Үстәлик, сајтын гојдуғу линк дә ачылмыр. Она ҝөрә биз билмирик ки, Мәһәммәд Ләнкәрани нә дејиб? Бәлкә дә, о гәтли һәгигәтән дә алгышлајыб. Амма бу, һәлә һеч нә демәк дејил. Биз тәҹрүбәдә дә ҝөрмүшүк ки, кимләрсә гәтлләри, террор актларыны үзәринә ҝөтүрүр, сонра мәлум олур ки, бу һадисәнин она аидијјәти јохдур. Бурада бир чох суаллар вар. Мән нечә дәфә Ыран сәфирлији илә ҝөрүшмәјә ҹәһд етдим, алынмады. Онлар ҝөрүшдән јајындылар. Бәлкә дә, индики һәссас мәгамда һансыса тәхрибатдан еһтијат едирләр. Амма һәр һалда бир чох суаллар вар ки, онлара ҹаваб тапмаг лазымдыр
Е.Фәтуллајев һесаб едир ки, диггәти јалныз Ыран версијасынын үзәриндә ҹәмләшдирмәк доғру дејил. Вә Р.Тағынын һакимијјәти сәрт тәнгид едән мәгаләләринә дә нәзәр јетирмәк лазымдыр: "Мән Рафиг Тағынын јаздығы бир ессејә бахдым, дәһшәтә ҝәлдим. Ессе һакимијјәтин чох сәрт тәнгидинә һәср олунмушду. Бу гәтлин архасында һакимијјәтдахили груплашма да дајана биләр. Бундан башга, ики версија галыр - ја Ыслам хәтти, ја да үчүнҹү гүввә. Фикримҹә, Рафиг Тағы о вахт она ҝөрә һәбсә атылды ки, һәбсханада чохлу журналист олсун. Биз истинтага мане олмаг истәмирик. Әксинә, онун ишинә баҹардығымыз гәдәр көмәк етмәји дүшүнүрүк. Садәҹә олараг, мәни нараһат едән одур ки, нијә истинтаг ҹинајәти исти изләрлә ачмыр
Диггәт: Хәбәрдән истифадә етдикдә мәнбәјә истинад лазымдыр
