Әһли Бејт -АБНА- хәбәр аҝентлијинин вердији хәбәрә әсасән:Давудоғлу кечирдији мәтбуат конфрансында бу маддәләри бир-бир садалајыб:
1. Суријада халгла ејни мөвгедә олан гануни бир һөкумәт һакимијјәтә ҝәләнә гәдәр Али Сәвијјәдә Стратежи Әмәкдашлыг Шурасы механизминин ләғв едилмәси.
2. Суријада рәһбәр вәзифәләрә мәнсуб, һагларында халга гаршы зоракылыг вә гејри-гануни васитәләрә әл атдыгларына даир иддиалар олан шәхсләрә сәјаһәт гадағасы гојулмасы вә бу шәхсләрин Түркијәдәки һесабларынын дондурулмасы, Сурија режимини дәстәкләјән бәзи иш адамларына да аналожи тәдбирләрин тәтбиг едилмәси;
3. Сурија ордусуна һәр ҹүр силаһ вә һәрби сүрсатын сатыш вә тәдарүкүнүн дајандырылмасы;
4. Түркијә торпаглары, һава мәканы вә сәрһәд суларындан истифадә етмәклә үчүнҹү өлкәнин Суријаја силаһ вә һәрби сүрсат трансфери етмәсинин бејнәлхалг һүгуга мүвафиг шәкилдә гаршысынын алынмасы;
5. Сурија Мәркәзи Банкы илә әлагәләрин дајандырылмасы;
6. Сурија һөкумәтинин Түркијәдәки малијјә активләринин дондурулмасы;
7. Сурија һөкумәти илә кредит әлагәләринин дајандырылмасы;
8. Һазырда иҹра олунан әмәлијјатлар истисна олмагла, Сурија Тиҹарәт Банкы илә әмәлијјатларын дајандырылмасы;
9. Суријадакы инфраструктур лајиһәләринин малијјәләшдирилмәси үчүн имзаланан Ексимбанк кредит разылашмасынын ләғв едилмәси;
Түркијәнин хариҹи ишләр назири билдириб ки, бу тәдбирләрин Сурија халгына мәнфи тәсир етмәмәси үчүн һәддиндән артыг еһтијатлы тәдбирләр ҝөрүлүб. "Сурија һөкумәтинә гаршы ирәли сүрдүјүмүз тәдбирләрлә әлагәдар, Сурија халгынын инҹидилмәсинә, һөкумәтин сәһвләринә ҝөрә халгын ҹәза чәкмәсинә јол вермәмәк әсас мәгсәдимиз олуб".
Диггәт: Хәбәрдән истифадә етдикдә мәнбәјә истинад лазымдыр
