Әһли Бејт -АБНА- хәбәр аҝентлијинин вердији хәбәрә әсасән: Ә. Бүруҹерди дејиб ки, инсанларын Бөјүк Британија сәфирлији гаршысында кечирдикләри аксија онларын пак һәјәҹаныны вә дујғусуну ҝөстәрир: “Бу, тәләбәләрин империализмлә мүбаризәсинин нәтиҹәсидир”.
Иранлы депутат һүҹум фактыны милли мәнафејин мүдафиәси кими дәјәрләндириб: “Бөјүк Британијанын Иранла әввәлдән дүшмәнчилији вар, бу да инсанларын үрәјиндә онлара гаршы нифрәт јарадыб”.
Ә. Бүруҹерди дејиб ки, Иранда бүтүн хариҹи вәтәндашларын тәһлүкәсизлији бејнәлхалг һүгуг чәрчивәсиндә тәмин олунур: “Иран бүтүн бејнәлхалг ганунлара, еләҹә дә Вјана Конвенсијасына һөрмәтлә јанашыр. Мәһз буна ҝөрә дә бу мәсәлә диҝәр өлкәләрин вә башга сәфирликләрин нараһатлығына сәбәб олмамалыдыр”.
Диггәт: Хәбәрдән истифадә етдикдә мәнбәјә истинад лазымдыр
