Әһли Бејт -АБНА- хәбәр аҝентлијинин вердији хәбәрә әсасән: буну Иранын хариҹи ишләр назири Әли Әкбәр Салеһи Азәрбајҹан хариҹи ишләр назиринин мүавини Хәләф Хәләфовла Теһранда кечирдији ҝөрүш заманы дејиб. О билдириб ки, Азәрбајҹан вә Иран ортаг мараглара маликдирләр вә гаршылыглы тәмаслар әлагәләри даһа да дәринләшдирмәк үчүн бир фүрсәтдир. Азәрбајҹан рәһбәрлијинин саламларыны Иран тәрәфинә чатдыран Хәләф Хәләфов исә бәјан едиб ки, Иранла әмәкдашлыг Азәрбајҹан дөвләтинин хариҹи сијасәтинин әсас истигамәтләриндән биридир. О үмид етдијини билдириб ки, икитәрәфли әмәкдашлыг ики өлкә халгларынын марагларына хидмәт едәҹәк.
Гејд едәк ки, Иран пајтахтында Азәрбајҹан, Түркијә вә Иран рәсми нүмајәндәләри арасында игтисади мәсәләләрә даир үчтәрәфли ҝөрүш кечирилиб.
Диггәт: Хәбәрдән истифадә етдикдә мәнбәјә истинад лазымдыр
