Әһли Бејт -АБНА- хәбәр аҝентлијинин вердији хәбәрә әсасән: Русијанын Шимали Атлантика блоку НАТО-дакы тәмсилчиси дејиб: АБШ Иранын ракет тәһдидини Авропа гитәсиндә өзүнүн Ракет Әлејһинә Мүдафиә системини јерләшдирмәк үчүн бәһанә гәрар вериб.
Дмитриј Рогозин шәнбә ҝүнү ҝеҹә (26 нојабр) Русијанын дөвләт телевизијасынын икинҹи каналына вердији мүсаһибәсиндә гејд едиб: АБШ Русијанын стратежи мүдафиә габилијјәтини зәифләтмәк мәгсәди илә Авропа мәканында өзүнүн РӘМ системини јерләшдирир.
Рогозинин сөзләринә ҝөрә, АБШ-ын Авропа мәканында өзүнүн РӘМ системини јерләшдирмәк бәһанәси илә Иранын ракет системини она гаршы тәһдид кими гәләмә вермәси ағ јалан вә әсассыз иддиадыр. "Иран Полшаны һәдәфә ала биләҹәк ракетләрә малик дејил, һалбуки АБШ Иранын ракет системи вә она гаршы мүбаризәни бәһанә едәрәк истигамәтләндирҹи ракетләр базасы вә РӘМ системи јарадыр." дејә Рогозин сөзләринә әлавә едиб.
Русијанын Шимали Атлантика блоку НАТО-дакы тәмсилчиси мүсаһибәсинин давамында дејиб: АБШ-ын Полша вә Румынијада јерләшдији ракетләри елә техники нишанә вә ҝөстәриҹиләрә маликдир ки, тәкҹә Иран дејил, Русија ракетләринин истигамәтини дә һәдәфә ала биләрләр.
"АБШ-ын РӘМ системи илә бағлы сәјләри нәтиҹәсиз галаҹаг, чүнки Русијанын гаршылыглы аддымлары вар вә модерн силаһлары да аз дејил." -дејә Рогозин сөзләрини тамамлајыб.
Диггәт: Хәбәрдән истифадә етдикдә мәнбәјә истинад лазымдыр
