Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ Сафи Ҝүлпајигани мәрһум Ахунд Хорасанијә һәср едилмиш симпозиумун тәшкилатчылары илә ҝөрүшән заман демишдир: “Бу ҹүр програмларын һазырланмасы - чох мүһүм вә әһәмијјәтлидир. Кечмишин парлаг алимләри таныдылмалыдыр вә инсанлар онлар һаггында мәлумата малик олмалыдырлар. инсанлар билмәлидир ки, руһанилијин кечмиши неҹә парлаг олмушдур.
Руһанилијин кечмиши һәр бир әсрдә мисилсиз олмушдур. Руһаниләрин етдији хидмәтләр бөјүк ислам дини үчүн бир тәблиғ иди. ислам дини елә бир ҝүҹә маликдир ки, бөјүк дини вә елми шәхсијјәтләри тәрбијә етмишдир. Әһли-Бејт (ә) давамчылары даима онларла фәхр едирләр. Онларын елми мәгамларына һөрмәтлә јанашмаг лазымдыр. Чүнки инсанлар бу хидмәтләрдән бәһрәләнмишдиләр.
Әһли-Бејт (ә) мәктәбинин тарихиндә елә инсанлар олмушдур ки, онларын мәнәви вә елми бәрәкәти бүтүн ҹәмијјәт үчүн мәлум иди. Онлардан бири дә Мәһрум Ахунд Хорасани иди. Бу бөјүк шәхсијјәт елм вә әхлаг үзрә бир чох ҝөркәмли алимләри тәрбијә етмишдир. Бу бөјүк алимин дәрсләриндә иштирак едәнләрин чоху мүҹдәһидләр олублар. Онун шаҝирдләри дә ҹәмијјәтә таныдылмалыдырлар.
Ҹаванлар билмәлидирләр ки, бизим кечмишдә неҹә инкишафларымыз олуб вә инди дә бу тәрәггидән ҝери галмамалыјыг. Ахундун елми әсәрләрини топлајан заман диггәтли олун. Онун фигһ вә үсул китабларына хүсуси диггәт ајырын. Онун индијә гәдәр чап еидлмәјән әсәрләрини топлајыб, нәшр етдирин. Ахунд Хорасанинин шаҝирдләриндән Аға Зијаны, Мәрһум исфаһанини мисал ҝөстәрмәк олар. Онларын да таныдылмасы ҹәмијјәтимиз үчүн фајдалы олар. Ахунд Хорасани әхлаги бахымдан чох руһани вә мәнәви бир инсан иди. Өз мүхалифләринә бөјүк һөрмәт бәсләјәрди. Ахундун сијаси мөвгеји вә һәјаты чох мүһүмдүр”.
Диггәт: Хәбәрдән истифадә етдикдә мәнбәјә истинад лазымдыр
