Әһли Бејт -АБНА- хәбәр аҝентлијинин вердији хәбәрә әсасән: АИП үзвләри вә руһаниләрин вәкили Анар Гасымлы исламазери.аз интернет гәзетинә екскулизив мүсаһибә вериб
- Азәрбајҹанда 2011-ҹи илдә диндарлара гаршы бу гәдәр ҹидди тәзјигләр нәдән гајнагланыр?
- Һәр шеј Һаҹы Мөвсүм Сәмәдовун 2 јанвар тарихли чыхышы илә башлады. Диндарлар тәрәфиндән бирдән-бирә сәрт тәнгид олунан һөкумәт чашгынлыг ичиндә тәләм-тәләсик ссенари гурмагла һәбсләр далғасы башлатды. Бурда әсас мәгсәд хоф јаратмаг, диндарлары горхутмаг иди.
- исламчыларын мәһкәмәсиндә әдаләтсиз гәрар гәбул едилдијини билдирмисиниз. Сизҹә Авропа мәһкәмәсинә гәдәр ишләр ҝедиб чыхаҹаг ја елә бу мәсәлә өз әдаләтли гәрарыны Азәрбајҹанда тапаҹаг?
- Өлкәдахили мәһкәмәләрдән әдаләт ҝөзләмирик, дүшүнүрәм ки, өлкәмиздә тапмадығымыз һаггымызы Страсбургда булаҹағыг. Она ҝөрә дә, вар ҝүҹүмүзлә чалышырыг ки, Авропа Мәһкәмәсиндә уғур газанмаг үчүн өлкәдахили мәһкәмәләрдә бүтүн мүдафиә тәдбирләрини һәјата кечирәк.
- Бир вәкил кими диндарлары мүдафиә етдијинизә ҝөрә тәзјигләрә мәруз галмысынызмы?
- Үмумијјәтлә, бир-ики хырда мәсәләни истисна етсәк, дејә биләрәм ки, вәкиллик фәалијјәтимлә бағлы һәр һансы бир тәзјиглә үзләшмәмишәм. Амма билирәм ки, һәр ан бир зәиф нөгтә ахтарырлар ки, тәзјиг ҝөстәрә билсинләр. Мүдафиә етдијим шәхсләрлә јанашы һәм дә өзүмү мүдафиә едирәм - чалышырам ки, тәләјә дүшмәјим. Диндарларын мүдафиәчиси олмаг шәрәфлидир. Мүвәккилләримин ҝүнаһсыз олмасы бир јана, мәнәви ҹәһәтдән саф олмаларыны һисс етмәкдән ајрыҹа зөвг алырам.
- Һаҹы Абҝүл Сүлејманова гаршы нә кими иттиһамлар ирәли сүрүлә биләр?
- Бу ҝүнә гәнаәтим беләдир ки, әҝәр Һаҹы Абҝүл ислам Партијасынын лидерләринин һәбси заманы өлкәдә олсајды, мүтләг һәмин тутатутда ону да һәбс едәҹәкдиләр. Августда онун евиндән "тапылан" силаһ-сурсаты елә јанвар ајындаҹа "ашкар" едәҹәкдиләр. Бу ҝүн Һаҹы Абҝүлә гаршы силаһ вә наркотиклә бағлы иттиһам верилсә дә, истинтагы нә силаһ нә дә наркотик әсла марагландырмыр. Тәәссүф ки, истинтаг сиррини јајмамаг үчүн мән бу ҝүн истинтагы марагландыран һаллар барәдә даныша билмәјәҹәм. истинтагын јекунунда бу барәдә хүсуси ачыгламамыз олаҹаг. Һәләлик ону дејә биләрәм ки, Һаҹы Абҝүлә гаршы јени иттиһамлар ирәли сүрүлә биләр.
- Сизҹә Азәрбајҹанда диндарларла һөкумәт арасында гаршыдурма кимләрә сәрф едир?
- Тәбии ки, бу ҹүр ситуасијадан јаралананлар олаҹаг. Амма бир шејә әминәм ки, бу ситуасија Азәрбајҹан үчүн јахшы бир шеј вәд етмир, өлкәмиз үчүн сәрфәли дејил. Һөкумәтлә вәтәндаш арасында гаршыдурма олмамалыдыр. Һөкумәт вәтәндашын гаршысында дејил, гуллуғунда дурмалыдыр.
- Бир вәкил кими Азәрбајҹанын мәһкәмә системиндән нә гәдәр разысыныз?
- Суалынызын гојулушу мараглыдыр вә позитив ҹаваб тәләб едир. Тәәссүф ки, ҹаваб позитив олмајаҹаг. Мәһкәмә системиндән зәррә гәдәр разы дејиләм. Фикрими әсасландырмаг үчүн јүзләрлә аргумент сөјләјә биләрәм амма бу башга сөһбәтин мөвзусудур.
- Анар бәј, Рафиг Тағынын өлүмүнү диндарларла әлагәләндирмәк нә дәрәҹә доғрудур?
- Онун бычагланмасыны диндарларла бағламаг мәлум "Авропа вә биз" јазысы вә бу јазы әтрафында баш верән олајлар фонунда илк ағыла ҝәлән версијалардан бири кими нәзәрдән кечирилә биләр вә истинтаг бу версија үзәриндә дә ишләмәлидир. Амма нә гәдәр ки, бу мәсәлә барәдә истинтаг јекун нәтиҹәјә ҝәлмәјиб бу барәдә гәти фикир сөјләмәк олмаз. Доғрудур, мәтбуатда вә сосиал шәбәкәләрдә сәсләнән фикирләрдә Рафиг Тағынын өлдүрүлмәси диндарларла әлагәләндирилир, амма мән бу фикирләри ҹидди гәбул етмирәм. Ән азындан она ҝөрә ки, әҝәр һәгигәтән дә Рафиг Тағынын бычагланмасы диндарларла бағлы олсајды, бу ҹинајәтин үстү исти изләрлә ачыларды вә антиислам тәблиғатына чевриләрди. Ҹинајәткарын дәрһал тапылмамасы бу гәтлин дә гаты ачылмајан ҹинајәтләр серијасына дахил олаҹағына даир дүшүнмәјә әсас верир. Белә олан һалда исә, бу ҹинајәтин ким тәрәфиндән төрәдилмәси илә бағлы шүбһәләр вә еһтималлар чохалыр.
- Сиз һазырда 6 исламчыны мүдафиә едирсиниз. Чәтин дејил ки?
- индијәдәк 8 нәфәр диндар мүвәккилим олуб, онлардан ики нәфәр һиҹаб мәһбусунун шәрти дә олса азадлыға чыхмасына наил олмушуг. Һазырда 6 нәфәрин һүгугларын мүдафиә едирәм. Әлбәттә, бир вәкилин 6 нәфәрин мүдафиәчиси олмасы чәтиндир. Амма инсанларын истәјини, рәғбәтини вә етимадыны доғрултмаг үчүн даһа чох ишләјиб ишин өһдәсиндән ҝәлмәјә чалышырыг. Диҝәр тәрәфдән 6 иш үзрә һеч бир вәсатәтин тәмин олунмамасы вәкил үчүн психоложи бахымдан да ҹидди проблемдир. Амма мүдафиә етдијин шәхсләрин мәнәви сафлығы, сәбри вә сәнә ҝүвәни руһдан дүшмәјә, јорулмаға имкан вермир, даһа да һәвәслә чалышырсан.
- Сон олараг Һаҹы Тале Бағыровун мәһкәмәсиндән нә ҝөзләјирсиз?
- Мәһкәмәнин иттиһам һөкмү чыхараҹағы вә ағыр ҹәза верәҹәји истисна олунмур. Үмидимиз Авропа Мәһкәмәсинәдир.
Диггәт: Хәбәрдән истифадә етдикдә мәнбәјә истинад лазымдыр
