Әһли Бејт -АБНА- хәбәр аҝентлијинин вердији хәбәрә әсасән: Тәбриз шәһәриндә кечирилән "Ислам Ингилабынын Азады" кими танынмыш шәһид Саһрух Зәрғамын хатирәсинә һәср олмуш мәрасимдә Ајәтуллаһ Сиддиги чыхыш едиб.
Ајәтуллаһ Сиддиги һәзрәтләри сөһбәт әснасында Азәрбајҹан Республикасындакы сон дурума ишарә едәрәк дејиб: "Бу өлкә халгы имам Һүсејнчидир (ә). Онларын гәлби Һүсејн ибн Әли (ә) иләдир. Совет һөкумәтинин дағылдығы илк илләрдә коммунист режимин тәблиғинә ҝөрә бу өлкә гадынларынын һиҹаб барәдә мәлуматы јох иди. Бунунла белә онлар имам Һүсејни (ә) севирдиләр вә гәлбләри о һәзрәтә бағлы иди. Мәһәррәм ајында да әзадарлыг едирдиләр. Совет һөкумәтинин дағылмасындан артыг бир нечә ил кечир вә һәмин гызлар вә ханылмар ислами һиҹаба мејиллидирләр. Амма чох тәәссүфләр олсун ки, дөвләт јенә һиҹабы гадаған етмәклә онларла вә диндарларла үз-үзә дајанмышдыр".
Теһранын мүвәггәти имам ҹүмәси артырыб: "Бакы дөвләти өзүнү диндарларла үз-үзә гојмагла сәһвә јол верир. Әһли-бејтин (ә) мәһәббәт ҹөвһәри бу халгын үрәјиндә гәрарлашыб. Онлар Кәрбәлалыдырлар вә ҹанларында ҹиһад вә шәһадәт дамарлары вар, һиҹаб гадағасына дөзә билмәзләр".
Әхлаг устады Ајәтуллаһ Сиддиги дүнјанын икинҹи шиә өлкәси олан Азәрбајҹанда сионистләрин нүфузуна ишарә едәрәк билдириб: "Бу өлкәнин мүсәлман халгы Исраилин онларын өлкәсиндә азадҹасына һәр иш едә билдији һалда өзләринин, һәтта һагг динләрини тәблиғ едә билмәк һүгугундан мәһрум олмаларына дөзә билмәзләр. Инди Азәрбајҹан Республикасында шиәләр Иранда тәһсил алмыш руһаниләри моизә етмәјә дәвәт едә билмирләр. Бу вәзијјәт ҝәрәк дәјишсин".
Гејд едәк ки, Ајәтуллаһ Сиддиги чәршәнбә ҝүнү 23 нојабрда Мараланын "Әшрәфул-әнбија (с)" мәсҹидиндә чыхыш едиб вә бу мәрасим јүзләрләрә тәбризлинин иштиракы илә кечирилиб.
Диггәт: Хәбәрдән истифадә етдикдә мәнбәјә истинад лазымдыр
