Кечән илин Мәһәррәминдән бу илин Мәһәррәминә кими шиәнин даими шүары 'Һәр ҝүн Ашура, һәр ҝүн Кәрбәла' вә Аллаһын әбәди сүннәси 'Тарих боју һаггла батилин мүгабиләси', дүнјанын икинҹи шиә өлкәсиндә јени мәна тапды
Мүгәддимә
Артыг Мәһәррәм ајы јахындадыр. Азәрбајҹанлы диндарларын ислами һиҹаб гадағасына гаршы һәртәрәфли вә нисбәтән истигамәт тапмиш мүгавимәти икинҹи илә гәдәм гојур. Бир мүгавимәт ки, ону һиҹаб һәрәкаты адландырмаг олар. Сөзсүз ки, кечән илин Мәһәррәминдән бир нечә ҝүн сонра башлајаҹаг Мәһәррәмә кими олан мүддәти Азәрбајҹан Республикасында секүлар һөкумәтин әсасларынын титрәмә дөврү адландырмаг олар. Сәккиз ил өнҹә Ҹәнуби Гафгазын ән бөјүк өлкәсиндә президентлик күрсүсүнә отуран АР президенти, бәлкә дә һеч вахт сон бир илдәки гәдәр тәзјигләрә мәруз галмамышды.
Бәлкә дә Илһам Әлијевин 2003-ҹү илдә президент сечкиләриндә парлајан улдузу, ислами ојанышла ејни заманда һиҹабы гадаған етмәклә батмаг үзрәдир. Шүбһәсиз ки, АР президенти ислами һиҹабы мәктәбләрдә гадаған етмәјин дөвләт үчүн ағыр хәрҹләр баһасына баша ҝәләҹәјини билсәјди, бу гадағаны башга бир мүнасиб вахтда иҹра етмәк үчүн өз сионист достларыны гане етмәјә чалышарды.
Дејиләнләрә диггәт етмәклә, гәләм, АИП сәдринин һиҹаб гадағасына етираз чыхышыны меһвәр гәрар вермәклә Азәрбајҹан Республикасындакы бир иллик һиҹаб һәрәкатыны мүхтәсәр сурәтдә арашдырмаг истәјир.
О мүһүм чыхыш
АИП сәдри доктор Мөвсүм Сәмәдовун Бакы дөвләтинин сијасәтләрини Мүавијә вә Језид сијасәтләринә бәнзәтдији 2 јанвар тарихиндәки шүҹаәтли чыхышы, азәрбајҹанлы диндарларын һиҹаб гадағасына вә дөвләтин диҝәр анти-Ислам сијасәтләринә гаршы етиразларынын ән јүксәк һәддинә чатдырды вә АР дөвләтинә ағыр зәрбә ендирди. Доктор Сәмәдов һәмин тарихи чыхышында дөвләтин исламофобија сијасәтләриндән әлавә, рүшвәтә әсасланан дөвләт системини, өлкәдәки ағыр јохсуллуғу, әдаләтсизлији, ајрысечкилији, әхлаг позғунлуғуну, дөвләт тәрәфиндән иҹтимаи әмлакын талан едилмәсини тәнгид етди вә Илһам Әлијев дөвләтинин сијасәтләрини коммунистләрин 1937-ҹи ил сијасәтләринә бәнзәтди. Бу чыхышда Ашура ҝүнүнүн һадисәләринә вә әмәвиләрин әһли-бејтин (ә) һиҹабы илә мүбаризәсинә ишарә едәрәк деди: "Бу ҝүнләри дә јенә бизим мүсәлман өлкәмиздә гызларымызын һиҹабына әл узадылыр".
Доктор Сәмәдов чыхышынын давамында деди: "Језид ибн Мүавијәнин әтрафында јәһуди вә христиан мүшавирләр варды, бу ҝүнләри дә бизим дөвләтимиз камил сурәтдә сионистләрин ихтијарында гојулубдур вә Азәрбајҹандакы анти-Ислам сијасәтләрин һәгиги мәншәји сионист режимидир".
АИП сәдри шиә өлкәсиндә динсиз вә Језидә охшар шәхсләрин һөкумәтинә јер олмамасыны тәкид едәрәк, Азәрбајҹан халгыны ојаг олмаға вә өз һаггыны тәләб етмәјә чағырды.
АИП сәдри бу ифшачылығын баһасыны өдәјәҹәјини јәгинликлә билирди. Она ҝөрә дә чыхышынын давамында имам Һүсејнә (ә) хитаб едәрәк деди: "Ја Һүсејн! Бу мәсәләләри Аллаһын разылығындан өтәри вә сәнин јолунда дедим. Ја Һүсејн, әҝәр Ашурада олмадыг ки, сәнә көмәк едәк, бу ҝүнләри сәнин дининә көмәк үчүн ајаға галхмышыг".
Доктор Сәмәдовун чыхышынын нәтиҹәләри
Јухарыдакы чыхышдан сонра Бакы дөвләти доктор Сәмәдову һәбс етмәклә Азәрбајҹан Республикасында халг етиразларынын гаршысыны алмаға чалышды. Лакин онун вә ондан башга онларла руһанинин, исламчы фәалларын һәбси етираз далғаларынын бир аз да ҝенишләнмәсинә сәбәб олду вә ислами ојанышы сүрәтләндирди.
Кечән бу бир ил мүддәтиндә, Бакы дөвләтинин анти-Ислам сијасәтләринә етираз олараг јүзләрлә аксија, конфранс, дәјирми маса вә диҝәр јығынҹаглар кечирилмиш вә 130 миндән чох шәхс имзатоплама кампанијасинда иштирак етмишдир. Ејни заманда исламчыларын витурал фәзада иштиракы армышдыр.
Азәрбајҹан Республикасы дөвләтинин анти-Ислам сијасәтләринә етираз далғалары өлкә сәрһәдләрини ашараг, Иран,Түркијә вә диҝәр Ислам өлкәләрин мүсәлманларынын диггәтини өлкәдә баш верән мәсәләләрә јөнәлтди. Һәтта, Авропа вә АБШ өлкәләри кими азлыгда олан мүсәлманлар Илһам Әлијевин исламофобија сијасәтләринә етираз етдиләр.
Бу арада өнәмли мәсәлә Бакы дөвләтинин мәсәләјә әксүл-әмәлидир. Сонсуз тәәссүф вә тәәҹҹүблә демәк олар ки, дөвләт бөһрана доғру ҝедән өлкәнин сабитлијиндән өтәри һеч бир аддым атмамагдан әлавә, АИП сәдри вә онунла бирликдә һәбс олунанлары 12 ил һәбслә ҹәзаландырды, өлкәдән хариҹдә тәһсил алан азәри дин алимләринин дини тәблиғлә мәшғул олмасыны гадаған едән ганунун гәбулу илә онлары мүбаризәјә чағырды.
Әлбәттә, Бакы дөвләти диҝәр проблемләрлә дә үзләшди. Белә ки, диндарларын дөвләтлә бирбаша гаршыдурмасы, азәри шиәләрин мәһдудијјәтләринин өлкәдән хариҹә чыхмасы кими проблемләрдән әлавә, диҝәр мөвзулары да артырмаг олар. О да Илһам Әлијев дөвләтинин гәрбјөнүмлү мүхалифләринин вә бәзи азәри зијалыларын фәаллашмасы, игтисади проблемләр үзүндән халгын сәбир касасынын дашмасыдыр. Белә ки, бир нечә ҝүн өнҹә бәзи азәри медијалар исламчылар, зијалылар вә гәрбјөнүмлүләр үчлүјүнүн бирләшәҹәји сурәтдә Илһам Әлијевин сүгутунун мүтләг олаҹағы барәдә јазмышдылар.
Өтән бир илдә һиҹаб әввәл орта мәктәбләрдә сонра исә бүтүн тәһсил оҹагларында гадаған олду. Амма фактики олараг азәри гызлар вә ханымлар арасында һиҹаба тәмајүл артды. Бу мәсәлә сорғу васитәсилә әлә ҝәлән мәлуматдан әлавә, һәјатда да ајдын сурәтдә өзүнү ҝөстәрмәкдәдир.
Өтән бир илдә АИП сәдри вә онларла руһани, исламчы фәал һәбс олунду вә онларын бәзиләринин һәбси узун мүддәтли олду. Амма бунун мүгабилиндә азәри ҹаванларын динлә танышлығы, динә бағлылығы фөвгәладә сурәтдә сүрәтләнди. Кечән иллин Мәһәррәминдән индијә кими мәсҹидә ҝәлән азәри ҝәнҹләрин сајы тәгрибән ики дәфә артмышыдыр.
Өтән бир илдә сионистләрин һөкумәт органларында нүфузу артса да вә АР нефтиндән вә диҝәр милли сәрвәтләриндән даһа артыг бәһрәләнсәләр дә бу режим бир ил әрзиндә бир нечә дәфә сәфирлијини дәјишмәјә вә ја тәтил етмәјә, өз вәтәндашларына АР-дакы тәһлүкәсизлик барәдә хәбәрдарлыг етмәјә мәҹбур олду.
Сон сөз
Бүтүн бу дејиләнләр бир мөвзуну ајдынлашдырыр вә о да будур ки, кечн илин Мәһәррәминдән бу илин Мәһәррәминә кими АР-да һагг ҹәбһәси илә батил ҹәбһәси арасында бөјүк фасилә јаранды вә бир ҝүн АР сијаси мүтәхәссисләрин һесабламаларында јери олмајан азәри диндарлар, секуларизм вә динсизлик үзәриндә гурулмуш бир дөвләт үчүн өнәмли бир проблемә чеврилиб.
Сөзсүз ки, бу бир ил мүддәтиндә јени бир мәрһәләјә дахил олмуш исламчылыг һәрәкатынын фәалијјәти давам едәҹәк. Ола билсин ки, чох да узаг олмајан бир мүддәтдә АР халгы бөјүк бир әмәли һәјата кечирсинләр вә бүтүн сијаси мүтәхәссисләри һејрәтә салсынлар. Бу арада Мәһәррәм ајы вә онун јаратдығы руһ јүк
