Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Азәрбајҹандакы сәфирлији рафиг тағыја гаршы төрәдилмиш суи-гәсдин И.И.Р-на аид едилмәсинин И.И.Р-Азәрбајҹан арасындакы стратежи мүнасибәтләрә хәләл вурмаг мәгсәдилә атылмыш аддым олдуғуну билдирир.
“рафиг тағыја гаршы төрәдилмиш суи-гәсд олајынын Иран Ислам Республикасына аид едилмәси илә бағлы бәзи шәхсләр вә Азәрбајҹан Республикасынын бәзи информасија васитәләри тәрәфиндән ирәли сүрүлән әсассыз вә һәгигәтдән узаг иддиалары тәкзиб етмәклә јанашы, мәнфи атмосфер јаратмаг мәгсәди дашыјан бу әмәлләри Иран Ислам Республикасы вә Азәрбајҹан Республикасы арасындакы стратежи мүнасибәтләрә хәләл вурмаг истигамәтиндә сионизм-Америка тәхрибатлары кими гијмәтләндирир вә бу кими ҹәһдләри пуч вә мәғлуб аддым һесаб едирик”, – чәршәнбә ахшамы Иранын Азәрбајҹандакы сәфирлијинин мәтбуат хидмәтиндән дахил олан мәлуматда билдирилир.
Баш Прокурорлуғун мәтбуат хидмәтиндән билдирибләр ки, баш вермиш һадисә илә бағлы Ҹинајәт Мәҹәлләсинин 126.1-ҹи (гәсдән сағламлыға ағыр зәрәр вурма) маддәси илә ҹинајәт иши башланыб.
Һазырда һадисәни төрәдән шәхс вә ја шәхсләрин мүәјјән едиләрәк мәсулијјәтә ҹәлб едилмәси истигамәтиндә истинтаг һәрәкәтләри вә әмәлијјат-ахтарыш тәдбирләри давам етдирилир.
рафиг тағы нојабрын 19-да пајтахтын Хәтаи проспектиндәки дајанаҹагда намәлум шәхсләр тәрәфиндән бычагланыб. Ағыр вәзијјәтдә хәстәханаја јерләшдирилән јазычы әмәлијјат олунуб.
Диггәт: Хәбәрдән истифадә етдикдә мәнбәјә истинад лазымдыр
