Әһли Бејт -АБНА- хәбәр аҝентлијинин вердији хәбәрә әсасән: Бир нечә ҝүн бундан әввәл АБШ-ын “FOXnews” телеканалы белә бир мәлумат јајмышды ки, Иран һөкумәти Азәрбајҹанда гарышыглыг јаратмаг үчүн өлкәнин танынмыш журналистләриндән вә мүхалифәт лидерләриндән биринә гаршы суи-гәсд төрәтмәк истәјир.
ФактХебер.cом-ун “АБШ телевизијасы тәрәфиндән јајылан мәлуматын рафиг тағынын өлүмҹүл бычагланмасы илә һәр һансы бир әлагәси вармы” суалына ајдынлыг ҝәтирән Јашыллар Партијасынын һәмсәдри Мајис Ҝүләлијев, бу ҹүр јанашманын дүзҝүн олмадығыны билдирди: “Гәтијјән инанмырам ки, белә бир шеј баш версин. Буну һүгуг-мүһафизә органлары даһа дәгиг мүәјјән еләјәҹәк.
Әҝәр АБШ гејри-мүәјјән формада белә бир информасија јајырса, бу о демәк дејил ки, һадисә дејилән мәлуматлара ҝөрә баш верди. Һадисә төрәдән шәхсин илк нөвбәдә һәр һансы бир мәгсәди олмалыдыр. Јәни бу һадисәни төрәтмәк кимин үчүн мараглыдыр ки, рафиг тағыја һәр һансы бир формада зијан ҝәтирсин. Мәнҹә өлкәдә гарышыглыг јаратмаг истәјән һансыса гүввәләрин бу һадисәни төрәтмәкдә марағы ола биләр.
Гоншу өлкәләрин һеч бири Азәрбајҹанда белә бир һадисәнин баш вермәсиндә мараглы дејилләр. Чүнки һамыја бәллидир ки, гоншуда һәр һансы бир гарышыглыг баш верәрсә, илк нөвбәдә онун тәсири гоншу өлкәләрин өзүнә олаҹаг.
Она ҝөрә дә гоншу өлкәләрин бу мәсәләдә мараглы олмасы гәтијјән инандырыҹы дејил. Мәнҹә јазычы вә ејни һалда һәким олан рафиг тағы елә бир фигур дејил ки, она гаршы төрәдилән һәр һансы бир һадисә өлкәдә бөјүк резонанса сәбәб олсун.
Јенә тәкрар едирәм ки, гарышыглыг јаранмасында гәрб өлкәләри вә ејни һалда гоншу өлкәләр һеч бир шеј газанмыр. Бүтүн өлкәләрин һамысы Азәрбајҹанда сабитлијин олмасында мараглыдырлар. Нәзәримҹә, һакимијјәтә иддиалы бир ики партијаны чыхмаг шәрти илә бүтүн вәтәндашлары өлкәдә сабитлијин тәрәфдарыдырлар.
Гарышыглыг јаранмасында мараглы олан гүввәләр ајдын ҝөрүнмүр. рафиг тағынын һадисәси исә мәишәт һадисәсинә даһа чох охшајыр. Јәни бу һадисә сијаси характерли дејил. Мән белә баша дүшүрәм. Чүнки о да бир инсандыр, онун да диҝәр инсанлар кими мүәјјән проблемләри ола биләр.”
Диггәт: Хәбәрдән истифадә етдикдә мәнбәјә истинад лазымдыр
