Әһли Бејт -АБНА- хәбәр аҝентлијинин вердији хәбәрә әсасән: АБШ Мәркәзи Кәшфијјат Идарәси (СИА) Јахын Шәргдә ағыр зәрбә алыб. Белә ки, Ливан вә Иранда СИА үчүн ишләјән ики ҹасуслуг шәбәкәси чөкдүрүлүб.
Верилән мәлуматлара ҝөрә, Ливандакы шәбәкә “Һизбуллаһ”, Ирандакы шәбәкә исә Теһранын нүвә програмы әлејһинә ишләјирмиш.
“Пизза” шифрәсини истифадә едән СИА аҝентләријлә “Пизза Һут” ресторанларында ҝөрүшән ҹасуслар мобил телефонларынын динләнилмәси нәтиҹәсиндә әлә кечирилибләр. Ливанда “Һизбуллаһ”ын һәр заман конкрет бир јердән гыса мүддәтә истифадә едилән мобил телефонлар диггәтини чәкиб. Бу мобил телефонлары нәзарәт алтына алан “Һизбуллаһ”ын кәшфијјат шөбәси ҹасус вә информантлары әлә кечириб. “Һизбуллаһ”ын әлә кечирдији ҹасусларын сајы 12 нәфәрдир.
Мүшаһидәчиләр СИА-нын бу уғурсузлуғуну Ливанда ҹасуслуг фәалијјәтини тәхирә салмасы вә гурумун ҝәләҹәкдә ишчи тапмагда проблемләрлә гаршылашаҹағы кими шәрһ едибләр.
Диггәт: Хәбәрдән истифадә етдикдә мәнбәјә истинад лазымдыр
