Метрополитанын Ислам бөлмәсинә дахил олан зијарәтчиләр илк олараг Гурани-Кәримин ән бөјүк сурәтини ҝөрүрләр. Бу, Тејмурләнҝин тапшырығы илә һазырланан мүгәддәс китабдыр. Бу нүсхәдә һәрфләрин һүндүрлүјү јарым метрә чатыр. Һәмин Гуранын әсли Сәмәргәнддә јерләшир.
Ислама аид експонатлар үмумиликдә 15 галерејада јерләшдирилиб. Бу залларын һәр бири хәлифәләрин сарајлары стилиндә бәзәдилиб. Һәр јер мәрмәр вә мозаик бәзәкләрдән ибарәтдир. Бурада һәтта шәриәт мәһкәмәси дә гурашдырылыб. Ондан артыг мәракешли уста бу сәһнәни јаратмаг үчүн 6 ај әрзиндә ҝәрҝин ишләјибләр. Галерејалардан 2-си сырф Османлы императорлуғу дөврүнә һәср едилиб.
Зијарәтчиләр 7-ҹи әсрдән 19-ҹу әсрә гәдәр Испанија, Мәракешдән тутмуш Бангладешә гәдәр мүхтәлиф бөлҝәләрдән топланан халчалары, сини габлары, гәдим әлјазмалары, рәсм әсәрләрини сејр едә билирләр. Бурдакы експонатлар Ислам дүнјасынын инҹәсәнәти вә мемарлығына даһа диггәтлә нәзәр салмаға имкан јарадыр.
Метрополитан музеји дүнјанын сәнәт мәркәзи сајылыр. Нју-Јоркда јерләшән бу мәркәз һәр ил 5 милјон инсан тәрәфиндән зијарәт олунур. Ислам бөлмәси музејин Мет адлы әсас бинасында јерләшир.
Метрополитан Музејиндән ҝөрүнтү
Диггәт: Хәбәрдән истифадә етдикдә мәнбәјә истинад лазымдыр
Әһли Бејт -АБНА- хәбәр аҝентлијинин вердији хәбәрә әсасән: Дүнјанын ән мәшһур инҹәсәнәт музејләриндән олан Метрополитанда Ислама аид бөлмәси јенидән ачылыб. 10 иллик фасиләдән сонра јенидән фәалијјәтә башлајан бу бөлмәдә дүнјанын мүхтәлиф реҝионларындан 1200 експонат топланыб.
