Әһли Бејт -АБНА- хәбәр аҝентлијинин вердији хәбәрә әсасән: Гумда тәглид мәрҹәләриндән олан Ајәтуллаһ Һүсејн Нури Һәмәдани Азәрбајҹан Республикасынын Ирандакы сәфири Ҹаваншир Ахундов илә ҝөрүшдә мүсәлманларын бирлији зәрурәтинә тәкид едәрәк, дејиб:" Ислам дини достлуг , мәһәббәт, бирлик вә һәмрәјлик динидир".
Тәглид мәрҹәји Ајәтуллаһ Нури Һәмәдани Азәрбајҹан Республикасынын Теһрандакы сәфири илә ҝөрүшдә сонра дејиб:" Иран Ислам Республикасы илә Азәрбајҹан Республикасынын мүсәлман халгларынын вәһдәти, бирлији вә мөһкәмлији ики тәрәфин хејринәдир вә гаршылыглы һимајәләрә сәбәб олаҹаг".
Ајәтуллаһ Нури Һәмәдани Иран Ислам Республикасында инсани дәјәрләрә әсасән олан сијасәтә ишарә едәрәк, дејиб:" Иранын Ислами гурулушу јохсуллар вә мәзлумларын һимајәчисидир вә дүнјадаки һәр бир мәзлуму һимајә едир".
Вәһһабилик фиргәсинин тәфригәчи нүфузу вә фәалијјәтләри һагда хәбәрдарлыг едән Ајәтуллаһ Нури Һәмәдани сонра белә вурғулајыб:" Бу фиргә агрессив ишләр һәјата кечирмәклә мүсәлманлар арасында тәфригә төрәтмәк истәјир".
Ајәтуллаһ Нури Һәмәдани Ислам өлкәләриндә халгын истәкләриндән бири кими дини азадлыгларын тәмин едилмәси зәрурәтинә тәкид едәрәк, Азәрбајҹан Республикасы рәсмиләриндән, бу республика халгынын диндарлыг кечмиши һабелә, халгын дини дәјәрләрә диггәт јетирмәсинә ҝөрә, бу хүсусијјәтләрин давам етмәси вә горунмасына диггәт јетирмәләрини истәјиб.
Бөјүк тәглид мәрҹәји Гәрб дүнјасынын, Ислам дүнјасында өз мәдәнијјәтини јајмаг үзрә сәјләринә ишарә едәрәк, Азәрбајҹан Республикасынын Ирандакы сәфиринә хитабән дејиб:" Америка вә Авропа һиҹабла мүхалифдирләр, чүнки онлар һиҹабы исламын символу билирләр вә өзләринин символлары олан һиҹабсызлығы тәблиғ едирләр. Буна ҝөрә дә Ислам өлкәләриндә һиҹабын јајылмасы вә она рәваҹ верилмәси дөвләт рәсмиләринин вәзифәләриндәндир вә Ислам өлкәләринин халгларынын инкишафы вә разылығынын артмасында мүһүм рола маликдир".
Азәрбајҹан Республикасынын Ирандакы сәфири Ҹаваншир Ахундов да бу ҝөрүшдә Иранла Азәрбајҹан Республикасы арасындакы јахынлыг вә чохлу ортаглыглара ишарә едәрәк, ики тәрәф арасында әмәкдашлыгларын ҝенишләндирилмәсини истәјиб.
Азәрбајҹан Республикасынын Ирандакы сәфири өлкәсиндә 1800-дән чох мәсҹидин иншасы вә јенидән бәрпасы һабелә Азәрбајҹан Республикасы гадынлары вә гызлары арасында һиҹаба ҝүнү-ҝүндән артан тәмајүлләринин Азәрбајҹан Республикасында мүстәгиллијин әлдә едилмәсиндән сонра дини мәдәнијјәтин нишанәләриндән олдуғуну билдириб
Диггәт: Хәбәрдән истифадә етдикдә мәнбәјә истинад лазымдыр
