ҺҺГМ МК-нын идарә һејәтинин фөвгәладә иҹласы кечирилиб. Мүдафиә Комитәсинин идарә һејәти үзвләри Азәрбајҹанда Ислама гаршы нөвбәти тәхрибат, парламентә ҝөндәрилән анти-дин лајиһәни мүзакирә едибләр.
Иҹласда чыхыш едәнләр иҹра һакимијјәти органы илә разылашдырылмадан вәтәндашларын дини тәһсил мүәссисәләриндә тәһсил алмаг үчүн хариҹә ҝөндәрилмәси, дин хадимләринин мүбадиләси, Ислам дининә аид ајин вә мәрасимләрин Азәрбајҹандан кәнарда дини тәһсил алмыш вәтәндашлар тәрәфиндән һәјата кечирилмәси, ганунла мүәјјән олунмуш гајдада сатышына иҹазә верилән дини тәјинатлы әдәбијјатын, әшјаларын вә дини мәзмунлу башга мәлумат материалларынын мүвафиг иҹра һакимијјәти органынын разылығы илә јарадылан ихтисаслашдырылмыш сатыш мәнтәгәләриндән кәнарда сатылмасы, әҹнәбиләр вә вәтәндашлығы олмајан шәхсләр тәрәфиндән дини тәблиғатын апарылмасынын дини ганунвериҹилијин позулмасы кими дәјәрләндирилмәсини мисли ҝөрүлмәмиш аксија сајыблар.
МК ҹидди мүзакирәләрдән сонра гәрар чыхарыб ки, рүсвајчы лајиһәнин мәтни дәрһал бејнәлхалг һүгуг тәшкилатларына ҝөндәрилсин вә комитәнин хүсуси гуруплары бу болшевик аддымла мүбаризә үчүн мүхтәлиф өлкәләрә езам едилсин. Хүсусилә мүсәлман өлкәләриндә Азәрбајҹан сәфирлијинин гаршысында чохмилләтли аксијаларын кечирилмәси мәсәләси мүзакирә олунуб. Јахым ҝүнләрдә МК-нын фәалијјәт програмларынын һазырланмасы үчүн комиссија јарадылыб.
