Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда 20 илә јахындыр ки, һеч бир әхлаг нормативләринә сығмајан сијасәтләр јүрүдүлүр. Белә ки, 90-ҹы илләрин орталарындан башлајараг, сосиал проблемләр уҹбатындан аиләсини аҹлыгдан хилас етмәк мәгсәди илә дүнјанын истәнилән нөгтәсинә сәфәр едиб орадан рузи ҝәтирмәкә һазыр олан намуслу Азәрбајҹан гадынларыни алдадараг, мүхтәлиф бәһанәләр илә Дубаја, Түркијәјә чөрәк газанмаг ады алтында апарыб милли вә мәнәви дәјәрләрә јарашмајан ПОЗҒУНЧУЛУГА вадар етимишләр. Хүсуси илә дә Бакыда Гумарханалар вә Фаһишәханалар санки ҝөбәләк кими һәр јердә пејда олду. “Аҹлыг Олсун Кеф Олсун” шүары алтында Азәрбајҹанын дахилиндә дә ҹаван гыз вә оғланлары әхлагсызлыглара сөвг етдирирдиләр.
Мәсәлә критик һәддә чатдығы ан Әлијевләр режими санки “Меһрибан Феја” тәкин мејдана атылараг гумар ханалары вә позғун ханаларын бағланмасына ҝөстәриш верилди. Нәтиҹәдә Әлијевләр Режиминин нәзарәтиндә олмајан хырда гумархана вә фаһишә ханалар бағланылды. Әсас вә популијар әхлагсыз мәркәзләри исә һәләдә чиркин фәалијјәтләринә давам етдирмәкдәдир. Халгын һарајына чатасы бир кәс јохдур!
Абшерон рајонунун Масазыр гәсәбәсинин сакинләри мәһз белә дәрдләр илә растлашмыш вәтәндашларын бир гисмидир. Масазыр гәсәбәсинин сакинләри тәрәфиндән билдирилир ки, гәсәбәдә ики әхлагсызлыг јувасы фәалијјәт ҝөстәрир. “Бунлар бир-бири илә үзбәүз јерләшән "Роми" вә "Ҝөјчә" отелләридир. Һәмин отелләр фактики олараг әхлагсызлыг јувасына чеврилиб”- дејә сакинләр билдирибләр.
Гәсәбәнин ичиндә, һәр кәсин ҝөзү өнүндә әхлагсыз јуваларынын фәалијјәт ҝөстәрмәсини өзләринә вә аиләләринә гаршы тәһгир кими дәјәрләндирән Масазыр ҹамааты дәфәләрлә бу әхлагсызлыг јуваларынын бағланмасы илә әлагәдар олараг јерли һүгуг-мүһафизә органларына мүраҹиәт едибләр, амма нә јазыг ки, фајдасы јохдур.
«Ја бу рүсвајчылыг ән гыса заманда арадан галдырылмалы, ја да Масазырда бир мүддәт әввәл Батамдарда әхлагсызлыгла мәшғул олан кафеләрә гаршы баш галдыран гијамдан даһа бөјүк гијам баш верәҹәк», дејә шикајәтчиләр ПИА.АЗ-а билдирдиләр.
Гејд едәк ки, бурада илҝинҹ бир детал вар. Белә ки, јерли сакинләр "Роми" вә "Ҝөјчә"нин әхлагсызлыг јувасы кими ишинә сон гојулмасы үчүн јерли һүгуг-мүһафизә органларына мүраҹиәтләринин нәтиҹәсиз галмасыны онларын мәһз полис структуру тәрәфиндән һимајә едилмәсидир.
Бәзи Политологларын фикринҹә исә Мүсәлман Азәрбајҹан Халгынын гејрәт вә намусуна јарашмајан белә чиркин сијасәтләрин пәрдә архасында бәзи тајфаларын дахилиндә олан мөвҹуд охшар ејбләри өрт-бастыр етмәсидир.
Диггәт: Хәбәрдән истифадә етдикдә мәнбәјә истинад лазымдыр
