Әһли Бејт -АБНА- хәбәр аҝентлијинин вердији хәбәрә әсасән: “Wikileaks” Азәрбајҹан һөкумәтинин дахили вә хариҹи сијасәти һагда јени материаллары ачыгламагда давам едир. Америкалы дипломатларын үч ил әввәл һазырладыглары материалларын бириндә бир чох суала ҹаваб тапмаг олар.
Франсанын истеһсалчы “Ҹастел” ширкәтинин ҝөзләнилмәдән Азәрбајҹаны тәрк етмәси дә белә мәсәләләрдән биридир. Мәлум олуб ки, ширкәтин ҝетмәсинә сәбәб онун өлкәнин али рәһбәрлијинә јахын адамлар тәрәфиндән әлә кечирилмәсидир. Азәрбајҹан һакимијјәти һәр јердә саһибкарлар үчүн јарадылан әлверишли бизнес атмосфериндән вә тәһлүкәсизликлә бағлы зәманәтләрдән данышыр. Лакин әслиндә, һәр шеј тәрсинәдир. Белә ки, АБШ сәфири Енн Дерсинин 2008-ҹи илин мај тарихли мәктубунда дејилир: “Бизнес саһәсиндә әлверишсиз шәраитин олмасы илә әлагәдар хариҹи инвесторларын чоху Азәрбајҹаны тәрк едир. Онлардан бири дә франсалы бизнесмен, “Ҹастел” заводунун саһиби Жан Пол Ланфранчидир”. “О билдириб ки, өзүнүн чохмилјонлу бизнесинә ҝөрә еһтијат едир вә бу сәбәбдән мүәссисәнин 40%-нин өлкә президентинин тәһлүкәсизлик хидмәтинин рәиси Бәјләр Әјјубова сатылмасы тәләбиндән сонра ширкәти Русијанын ”Балтика” ширкәтинә сатмағы гәрара алыб. Азәрбајҹан адлы һөвзәдә чохлу акула вар вә бурада ишләмәк чәтиндир”, - дејә о, әлавә едиб вә гејд едиб ки, бундан әввәл мүәссисәнин сатышы илә бағлы “Ҹарлсберҝ” вә “Ефес” ширкәтләринин тәклифләрини гәбул етмәјиб.
Сонра о гејд едиб ки, диҝәр рәсми шәхс- Әмлак Мәсәләләри Дөвләт Комитәсинин рәһбәри Кәрәм Һәсәновун тәзјигләри алтында Азәрбајҹанын ҹәнубунда Ҹәлилабад рајонундакы үзүмлүкләрини дә сатмаға мәҹбур олуб.
Ланфранчи дејиб ки, өз тәһлүкәсизлији илә бағлы нараһатдыр. Һалбуки, Ермәнистан вә Ҝүрҹүстанда да бу ишлә мәшғул олур вә бу ҹүр проблемләрлә үзләшмир.
“Ҹастел” вә онун әсас инвестору “Ҹитиҝроуп” мүәссисәјә 26 млн. доллар сәрмајә гојуб вә мүәссисә јахшы ишләјәрәк, Азәрбајҹанын ән ири верҝи өдәјиҹиләриндән бири олуб. Белә тенденсија Азәрбајҹанын ишҝүзар имиҹинә зәрәр вураҹаг вә потенсиал инвесторларын узаглашмасына шәраит јарадаҹаг, дејә сәфир гејд едиб. “Ҹитиҝроуп”ун “Ҹастел”дәки инвестисијаларыны нәзәрә алсаг, бу мүәссисә Азәрбајҹанын гејри-нефт секторуна гојулмуш ән ири Америка инвестисијаларындан бири олуб(Туран).
Диггәт: Хәбәрдән истифадә етдикдә мәнбәјә истинад лазымдыр
